ისლანდია - ყინულოვანი ქვეყანა...

აქ ცხელ-ცხელი, გემრიელი წვნიანი ნამდვილი მისწრებაა, მითუმეტეს ზამთარში

აქვთ კიდეც ერთი გემრიელი კერძი - Kjötsúpa

ეს არის კლასიკური ისლანდიური კერძი ცხვრის ხორცით, როგორც ამბობენ არ არსებობს ორი ერთნაირი Kjötsúpa

ისლანდიელი დიასახლისები ამ წვნიანის უამრავ ვარიაციას გვთავაზობენ...

თუმცა QwellyNaRiA გთავაზობთ ამ კერძის ძველ ტრადიციულ რეცეპტს

შემადგენლობა:

1. წყალი - 1.5 ლიტრი
2. ბატკნის ან ცხვრის ძვლიანი ხორცი - 500 გრ
3. ხახვი - 2 საშუალო ზომის
4. თეთრი კომბოსტო - 100 გრ (გაჭერით შუაზე და დაჭერით გრძელ, ჭვრილ ზოლებად)
5. სტაფილო - 2 საშუალო ზომის
6. ბრინჯი (თეთრი ან ყავისფერი) – 50 გრ
7. პატარა თალგამურა -ნახევარი
8. ყვავილოვანი კომბოსტო
9. პრასი
10. კარტოფილი

მომზადება:

• აადუღეთ წყალი, ხორცი გარეცხეთ ცივ წყალში და ჩააწყვეთ ადუღებულ წყალში, დადგით საშუალო ცეცხლზე.
• მოამზადეთ ხორცი 2-3 წუთი, შემდეგ მოხადეთ ქაფი და დაამატეთ მარილი, მოამზადეთ დაახლოებით 30 წუთი.
• შემდეგ დაამატეთ ბრინჯი და ადუღეთ კიდევ 10 წუთი დაბალ ცეცხლზე.
• დაამატეთ დაჭრილი ბოსტნეული: სტაფილო, ხახვი, კომბოსტო, ყვავილოვანი კომბოსტო, თალგამურა, კარტოფილი, პრასი.

• მოამზადეთ 20 წუთი.
• სურვილისამებრ დაამატეთ მარილი და წიწაკა.
• სუფრაზე მიტანის წინ მოხადეთ ცხიმი

ხორცი და კარტოფილი მიიტანეთ თეფშით ცალკე, ხოლო ბოსტნეული წვენთან ერთად ცალკე.

გაითვალისწინეთ ისიც რომ Kjötsúpa კიდევ უფრო გემრიელია მეორე დღეს.