დაამთავრა მუსიკალური სკოლა; კონსერვატორიაში საგუნდო-სადირიჟორო ფაკულტეტზე ჩაირიცხა; 1935 წლიდან ნავთლუღის რკინიგზის გუნდის ხელმძღვანელია, პარალელურად სასოფლო-სამეურნეო გუნდსაც უწევს ხელმძღვანელობას.

      1939 წლიდან თელავში გადადის სამუშაოდ; დაეკისრა რაიონული ეთნოგრაფიული გუნდის აღდგენა, რასაც შესანიშნავად გაართვა თავი; კახელი მომღერლების ტრადიცია აღადგინა. სამამულო ომის დროს იგი გამოდიოდა სამხედრო ნაწილების წინაშე.

      1947 წელს ახმეტის რაიონმა გუნდი ჩამოაყალიბებინა; თავი აქაც გამოიჩინა და ორი წლის შემდეგ ისევ თელავს დაუბრუნდა. აქ მასწავლებელთა სახლში თვითმოქმედი გუნდი შექმნა. ერთ ადგილას არ ამყოფებენ. თელავის კულტურის სახლთან გუნდი შექმნა.

      1953 წელს გორში მუშაობს საოლქო გუნდის ლოტბარად. ერთი წლის შემდეგ ისვე თელავს უბრუნდება. აქვე ჩამოაყალიბა ძაფსაღები ფაბრიკის თვითმოქმედი მომღერალთა გუნდი.ერთ ხანს რუსთავის ეთნოგრაფიული მომღერალთა გუნდის ხელმძღვანელია.

      1957 წლიდან ისევ თელავშია. რაიონისა და კულტურის სახლის გუნდებს ხელმძღვანელობს.

      თელავის გუნდებით წარდგა ბოლოდროინდელ (VII-IX) რესპუბლიკურ ოლიმპიადებზე, სადაც თავი გამოიჩინა რეპერტუარითა და კარგი შესრულებით.

      ფირუზ მახათელაშვილი თვითმოქმედი კომპოზიტორი იყო. დაწერილი აქვს მრავალი ახალი სიმღერა ტექსტითურთ. შექმნა ახალი საკრავი «ჩანგური», რომელიც წარმოადგენს ჩონგურის, ფანდურისა და ჩანგის შერწყმას. მასზე შეიძლება შესრულდეს როგორც ხალხური, ისე კლასიკური ნაწარმოებები. განაგრძობდა მუშაობას ახალი სამხმიანი ჩასაბერი საკრავის შესაქმნელადაც.

      სხვა მოღვაწეებთან ერთად 1951 წელს მასაც მიენიჭა საქართველოს სსრ ხელოვნების დამსახურებული მოღვაწის საპატიო წოდება.

      სამწუხაროდ, იგი ადრე გარდაიცვალა - 1970 წელს.

"ფონდი ქართული გალობა"

იხილეთ, ფურიზ მახათელაშვილის ერთ-ერთი ცნობილი სიმღერა: "ნუ გიყვარს ქალავ"