21 მაისს (ძვ. სტ. 18 აპრილს) ქრისტეს ეკლესია იხსენიებს წმინდა არსენი დიდს!      მეოთხე საუკუნეში, 354 წელს, იმპერიის დედაქალაქ რომში, კეთილმსახური ქრისტიანის ოჯახში დაიბადა ღირსი არსენი. არსენმა მცირე ასაკიდანვე გამოიჩინა ქრისტეს სიყვარული და მისდამი მსახურებისთვის თავის შეწირვა გადაწყვიტა. ახალგაზრდა არსენს დიაკვნად დაასხეს ხელი. მოგვიანებით როდესაც რომის იმპერიის აღმოსავლეთის მმართველმა თეოდოსიმ არსენის განათლებისა და ღვთისმოსაობის შესახებ შეიტყო თავისი ვაჟების აღზრდა დაავალა. განმარტოებული ცხოვრებისთვის თავგადადებულ მამას არ სურდა საიმპერატორო ტახტზე ცხოვრება, მაგრამ თავისი სურვილის წინააღმდეგ, არსენი იძულებული გახდა დამორჩილებოდა იმპერატორის ნებას - იმ ხანად წმიდა მამა 29 წლისა იყო.      კონსტანტინეპოლში ჩასული წმიდა არსენი დიდი პატივით მიიღო იმპერატორმა თეოდოსიმ და სთხოვა, მეფისწულები ღვთისმოშიშებით აღეზარდა: „თუმცა ისინი უფლისწულები არიან, მაგრამ ყველაფერში უნდა დაგემორჩილონ, როგორც მამას და მასწავლებელს“. ღირსი მამა გულმოდგინედ შეუდგა ყრმათა აღზრდას, მაგრამ დიდი პატივი,…► ვრცლად ◄

ღმრთისმშობელი მუზარადით და აბჯრით, ჯაჭვის პერანგით პირველად ვნახე. ჯარისკაცების და მხედართმთავრების მფარველიაო, ასე დაიგუგლა, ცხადია რუსულ წყაროებზე, ხატიც რუსულია.ფოტო გადაღებულია სქიმარქიმანდრიტი ვიტალის (სიდორენკო) სავანეში.

22 მარტს (ძვ. სტ. 9 მარტს) ქრისტეს ეკლესია იხსენიებს წმინდა მოწამე ურსპასიანეს.      ნიკომედიაში (ქალაქი ბიზანტიაში, ამჟამინდელი თურქეთის ტერიტორიაზე) მესამე საუკუნის მიწურულს, იმპერატორ მაქსიმიან გალერიუსის ზეობისას ეწამა წმინდა ურსპასიანე. იმ დროს სასტიკად იდევნებოდნენ ქრისტიანები, ჯარში თუ სასახლის კარზე მომსახურენი. მათ შორის იყო წმინდა უსპასიანე, რომელმაც იმპერატორის წინაშე დაყარა თავისი მოსასხამი და ქამარი და უთხრა: "ამიერიდან ვარ მხედარი ზეცათა მეუფისა, უფლისა იესო ქრისტესი. დაიბრუნე შენგან მოძღვნილი ნიშნები წარჩინებულობისა". მაქსიმიანემ ბრძანა, ხეზე მიებათ იგი და ყველაზე მტკიცე შოლტით - ხარის გამხმარი ძარღვებით ეცემათ. შემდეგ წმიდანი რკინის გალიაში ჩასვეს და ცეცხლი შეუნთეს. წმიდა ურსპასიანემ აუტანელი ტკივილები ლოცვით დაითმინა. წმიდანის გვამი ზღვაში გადააგდეს - ის მიცვალების შემდეგაც კი საშიში იყო წარმართებისათვის, რომლებმაც მისი სული ვერ გატეხეს.…► ვრცლად ◄