ღირსი მამა ახალგაზრდობიდანვე უდაბნოში განმართოვდა. ერთხელ იმპერაპტორის კარისკაცებმა კონკებში გახვეული მამა საეჭვოდ ჩათვალეს და შეიპყრეს. სატახტო ქალაქში ღირსი მამა პატრიცმა სამსონმა დაკითხა. აინტერესებდათ ვინ იყო. წმინდა მამამ ვინაობა დამალა. არ სურდა თავისი ცხოვრების შესახებ მოეთხრო. სამსონს წმინდა მამამ უთხრა, რომ მწირი იყო.

      სამსონმა წმინდანის დასჯა ბრძანა. წმინდა მამა ჯერ ხარის გამხმარი ძარღვით სცემეს, შემდეგ ხეზე თავდაღმა დაჰკიდეს. ჩათვალეს, რომ ბასილი გრძნეული იყო და მშიერ ლომს მიუგდეს. ნადირი წმინდანს ფეხებთან მორჩილად მიუწვა. ამის შემდეგ ზღვაში გადააგდეს. დელფინებმა წმინდანი უვნებლად მიიყვანეს კონსტანტინეპოლის მეშვიდე ზღრუბლთან. ზღვიდან ამოსულ წმინდა მამას ბორკილები დასცვიდა და თავისუფალი შევიდა დედაქალაქში.

      წმინდა მამამ ქალაქის შესასვლელთან მჯდარი ციებით შეპყრობილი კაცი განკურნა. წმინდ მამამ მრავალ სასწაულს აღასრულებდა მასთან მოდიოდნენ რჩევის მისაღებად, კურნებისათვის. მიმსვლელთა შორის იყო გრიგოლი, რომელიც შემდეგ მოწაფე შეიქმნა და მისი ცხოვრება აღწერა.

      წმინდა მამა 110 წლის ასაკში 944 წელს გარდაიცვალა. ეკლესია წმინდა მამას ახალს უწოდებს სხვა მამებისგან გამოსარჩევად.

◄ გუშინ | დღეს | ხვალ ►