თოვლის გაკვალვა ყოველთვის სასიამოვნო საქმიანობად მეხატებოდა, განსაკუთრებით როცა წარმოვიდგენდი რომ შესაძლებელი იყო იმხელა თოვლი მოსულიყო, სახლის კარის გაღების შემდეგ თოვლის კედელს შევჯახებოდი, რომელშიც გრძელ გვირაბს გავჭრიდი პირდაპირ სკოლამდე. მაგრამ ეს უწინ იყო.

ახლა ამ კაცს რომ უყურებთ, არც გიჟია და არც გაკაჟება სწყურია. ის უბრალოდ ხელოვანია!

ვინც ხელოვნების ჯგუფის ერთგული სტუმარი და წევრია, მას კარგად ეცოდინება რომ რამდენიმე პოსტი მივუძღვენით სანაპიროს მხატვრობას, რომელიც საკმაოდ გავრცელებულია დღევანდელ ზღვამოყვარულთა წრეებში. ჩვენს ავტორსაც აქვს რამდენიმე მსგავსი ხელოვანება შექმნილი:

მაგრამ პოსტი სულ სხვა აგრეგატულ მდგომარეობას ეძღვნება! ☺

წარმოგიდგენიათ რა რთულია თოვლში მსგავსი ფიგურების შექმნა? სიმონ ბექი წარმოშობით ინგლისელი დიზაინერ-მხატვარია. 2004 წლიდან გადაწყვიტა რომ მის ფანტაზიაში წარმოსახული ფიგურები, ბუნების მშვენიერი სანახებისთვის მოერგო და ასეც მოიქცა. ჯერ იყო და ქვიშაზე ხატავდა, 2011 წლიდან კი, როცა საფრანგეთის ერთ-ერთ ზამთრის კურორტს ეწვია, ჭკუაში დაუჯდა ანალოგიურის განხორციელება თოვლზე.

ბატონი სიმონი ერთი ფიგურის შექმნას 12 საათს ანდომებს, დღეში 6 საათზე მეტს არ მუშაობს, ამასთან პირველ დღეს ფიგურების პერიფერიულ ნაწილებს აკეთებს, მეორე დღეს კი ძირითად კონტურებს და ფიგურებს გამოყოფს და შედეგიც თვალწარმტაცია ნებისმიერი ასაკის და გემოვნების თვალწყალდამლევისათვის. ფოტოები დამატებით შთაბეჭდილებას ქმნიან. ამ ხელოვნების არსებობაც ხომ მხოლოდ კამერების იმედადაა დარჩენილი.

ისიამოვნეთ და შთაბეჭდილებები გამოხმაურებებში გაგვიზიარეთ.