შესახედად მშვენიერი ხიდია, მაგრამ სახელწოდებაში ნამდვილად არ გაუმართლა.

      სიმართლე გითხრათ ბავშვობიდან მიკვირდა ის ფაქტი, რომ არსებობდა ეშმაკის ბორბალი. ერთი შეხედვით არაფერი საეშმაკო არ ჰქონდა, ორ ძელზე და მათ შორის გადებულ დირეზე დამაგრებული ბორბალი, რომელიც ისე ზანტად ტრიალებდა, არცერთი გველი რომ არ მეგულება ამ უკიდეგანო სამყაროში მისნაირად ნელა მხოხავი. შეღებილიც საკმაოდ მიმზიდველად და მხიარულად. ჩაჯდებოდი შიგნით, აგიყვანდა მაღლა, სუფთა ჰაერს ჩაგასუნთქებდა და ჩამოგიყვანდა და ორმაგად გაოგნებული იყავი - რატომაა ახლა ეს ეშმაკის ბორბალი და ელიავას ბაზრობაზე ნაყიდი საბურავები სიცოცხლის შემნარჩუნებელი? დღემდე არ ვიცი ამაზე პასუხი და იქნებ დამეხმაროთ.

      თუმცა ამ პოსტში ეშმაკის ბორბალზე კი არა, ეშმაკის ხიდზე უნდა გესაუბროთ, რომელიც საკმაოდ გავრცელებული სახელია და ევროპის ბევრ ძველ ხიდს ჰქვია ასეა.

      ამ პოსტისთვის გერმანული შევარჩიეთ.

      ეშმაკის ბორბალი, The Devil’s Bridge ან გნებავთ როგორც დედანში უწოდებენ Rakotzbrücke, მდეობარეობს გაბლენსში, ესაა გორლიცის მიწაზე (ჩვენებურად მუნიციპალიტეტში. გერმანიაში მუნიციპალიტეტის ნაცვლად გამოიყენება ტერმინი მიწა, ასე რომ მთელი გერმანია მიწებადაა დაყოფილია), საქსონიაში.

      ნაკრძალს, სადაც მისი ნახვაა შესაძლებელი, ასე ჰქვია - Azalea and Rhododendron Park Kromlau. აქ ჩამოსული ტურისტები გაოცებას ვერ მალავენ, როდესაც მოკრიალებულ წყალზე არეკლილი ხიდი უნაკლო წრეს ჰქმნის.

      ეშმაკის ხიდს 4 წლის წინ 150 წლის იუბილე ჰქონდა. იგი 1860 წელს აიგო მიმდებარე ტერიტორიებზე მოგროვებული ქვებით. საკმაოდ ვიწრო და საცალფეხო გადასასველია ზედ. ეშმაკის ხიდი კი იმიტომ ეწოდა, რომ გერმანელებმა გაკვირვება სხვაგვარად ვერ გამოხატეს, გარდა შეძახილისა - "ეშმაკმა დალახვროს", მსგავს რამეს მხოლოდ სატანა თუ ააშენებდაო. სატანისა რა გითხრათ, მაგრამ მე დიდად ნასიამოვნები დავრჩი ფოტო სანახაობით და პირადადაც ვიხილავდი თუკი ამის საშუალება მომეცემოდა.

      ამ ფოტოზე კიდევ შეიძლება ვინმემ თქვას ეშმაკის ციხეს ჰგავსო!

და ბოლოს...

      არის სეზონი, როდესაც ეშმაკის ხიდი ეფექტს კარგავს!