წინამდებარე წიგნი ევროპული აზროვნების უმნიშვნელოვანესა და უმდიდრეს პერიოდს ეხება. მასში აღორძინების ხანის (რენესანსის) ფილოსოფიის ყველა მნიშვნელოვან მიმართულებასა თუ წარმომადგენელს სათანადო ადგილი აქვს დათმობილი - პროფ. გურამ თევზაძე კვლევას იწყებს მარსილიო ფიჩინოს აზროვნებით და ამთავრებს იაკობ ბოემეს ქრისტიანუი თეოსოფიის განხილვით.

     ახლავე შეიძლება ითქვას, რომ ეს წიგნი ქართული ფილოსოფიის დიდი შენაძენია. ქართულ ფილოსოფიას აღორძინების ხანის ფილოსოფიური აზროვნების ასეთი საფუძვლიანი განხილვა დღემდე არ ახსოვს; წინამდებარე წიგნი სასარგებლოა რენესანსის კულტურისა და აზროვნების შემსწავლელთათვის საერთოდ; ის, უწინარეს ყოვლისა, ხელს შეუწყობს ქართულ ფილოსოფიურ აზროვნებაში გავრცელებული შალვა ნუცუბიძის "რენესანსის თეორიის" მკვლევარებს. ამ თეორიის კვლევა ხომ საქართველოში ხშირად ისეთი გზით მიდიოდა, რასაც, ალბათ, თვით შ. ნუცუბიძე არ ისურვებდა. არადა, რენესანსის მისეული მოდელი ღია, გახსნილი იყო ყველა ახალი ძიებისთვის. "აღმოსავლური რენესანსის" მისეული თეორია მხოლოდ იმ შემთხვევაში დარჩება აქტუალური, თუ მისი მესვეურნი და მვკლევარნი იტალიური რენესანსის მდიდარი ტრადიციის ჭრილში განიხილავენ მას. სწორედ აღორძინების ხანის იტალიელი მოაზროვნეები ქმნიან იმ სააზროვნო ჰორიზონტს, რომლის გათვალისწინების გარეშეც "აღმოსავლური რენესანსის" თეორიის ქართველი მკვლევარები სარწმუნო შედეგებს ვერ მიაღწევდნენ.

წიგნი შინაარსი

• შესავალი - შუა საუკუნეების ფილოსოფია და აღორძინების ეპოქის ფილოსოფია
• თავი I. ფლორენციის პლატონური აკადემია
  1. მარსილიო ფიჩინო
  2. ჯოვანი პიკო დელა მირანდოლა
  3. ნიკოლო მაკიაველი და მისი ანტიუტოპია
  4. ალამინო რენუჩინი
• თავი II. პადუელი არისტოტელიკოსები აღორძინების ეპოქაში
  1. პეტრე პომპონაცი
  2. ჯაკომო ბაზარელა
• თავი III. სკეპტიციზმი აღორძინების ეპოქაში
  1. შარლ დე ბოლივიუსი
  2. მიშელ მონტენი
• თავი IV. რეფორმაცია და რენესანსი გერმანიაში
  1. ერაზმ როტერდამელი
  2. მარტინ ლუთერის მსოფლმხედველობა
  3. თეოფრასტე პარაცელსის ფილოსოფია
  4. სებასტიან ფრანკის ფილოსოფიური შეხედულებანი
  5. ვალენტინ ვაიგელი
• თავი V. აღორძინების ეპოქის დასასრული
  1. ბერნანდინო ტელეზიო
  2. იერონიმო კარდანო
  3. ფრანჩესკო პატრიცი
  4. ჯორდანო ბრუნო
  5. ტომაზო კამპანელა
  6. იაკობ ბოემე
• აღორძინების ეპოქის ფილოსოფია - ახალი ფილოსოფიის შესავალი
• მითითებული ლიტერატურა
• პირთა საძიებელი

იხილეთ წიგნი:

• აღორძინების ეპოქის ფილოსოფია •