კირკეგორის შემოქმედებითი ასპარეზის მრავალ მიმართულებას შორის, გამორჩეული და ერთ-ერთი უმნიშვნელოვანესია მისი, როგორც მოაზროვნე თეოლოგის ნაშრომები. წინამდებარე წიგნი იმ ტრილოგიის მესამე ნაწილია, რომელიც კირკეგორმა 1847 წელს გამოაქვეყნა. ტრილოგიაში პირველი ნაწილი ორმაგი გონების მორალს ეთმობა, სახელწოდებით „გაწმინდეთ თქვენი გულები“ (Purify Your Hearts), მეორე ნაწილია - „განვიხილოთ ლილიები“ (Consider the Lilies) და მასში კირკეგორი მსჯელობას ადამიანის ესთეტიკასა და მისტიკას უთმობს, ხოლო მესამე ნაწილში „სატანჯველის სახარება“ (Gospel of Sufferings) ქრისტეს მიმდევრობის - ქრისტიანობის კონკრეტული და აბსტრაქტული მაგალითების განხილვაა.

წიგნს წინ უძღვის ლოცვა:

ლოცვა

შენ, ვინც ოდესღაც თავად დაეხეტებოდი დედამიწაზე, ტოვებდი რა კვალს, რომელსაც ჩვენ უნდა გავყოლოდით; შენ, ვინც ზეციდან უმზერ ყველა ყარიბს, მხარს უმაგრებ დაქანცულს, ამხნევებ გულგატეხილს, გზაზე აბრუნებ გზააბნეულს, ანუგეშებ მებრძოლს: შენ, ვინც ჟამთა აღსასრულს კვლავ უნდა მოხვიდე იმისათვის, რათა განსაჯო ყოველი, ვინც შენ არ მოგყვებოდა; ღმერთო ჩვენო და მხსნელო ჩვენო, დე მუდამ ეჩვენოს ჩვენს სულიერ მზერას შენი ხატი, ნისლის განმქარვებელი; განგვამტკიცე ჩვენ, რათა მხოლოდ მას ვუმზიროთ უწყვეტად, რათა ჩვენ, შენმა მსგავსებმა და შენი წინამძღოლობით, ვიპოვოთ სათნო გზა შენი სამსჯავროსკენ, - ხომ იმისათვის იბადება ყოველი ადამიანი, რომ შენი სამსჯავროს წინაშე წარსდგეს, და ასევე იმისათვის, რათა მარადიული ნეტარება ჰპოვოს შენით სხვა სამყაროში. ამინ.

წიგნში განხილული საკითხები: 

I. რას ნიშნავს ქრისტეს მიმდევრობა და რა სიხარულია ამაში

II. როგორ შეიძლება, რომ ტვირთი მსუბუქი იყოს, თუ სატანჯველია მძიმე

III. სიხარული იმაშია, რომ სატანჯველის სკოლა მარადიულობისთვის გვამზადებს

IV. სიხარული იმაშია, რომ ღმერთთან მიმართებით ადამიანი არასოდეს იტანჯება უდანაშაულოდ

V. სიხარული იმაშია, რომ გზა კი არ არის ვიწრო, არამედ თვით სივიწროვეა გზა

VI. სიხარული იმაშია, რომ თუნდაც დროებითი სატანჯველი უკიდურესად მძიმე იყოს, მარადიული ნეტარება მაინც გადაწონის მას

VII. სიხარული იმაშია, რომ ადამიანს წმინდა გულითა და თავისუფალს, შეუძლია ტანჯვით აიშოროს ქვეყნის ძალაუფლება საკუთარ თავზე და შესწევს ძალა, უღირსობა ღირსებად აქციოს, მარცხი კი გამარჯვებად

იხილეთ წიგნი:

"სატანჯველის სახარება"