ეგვიპტის ცივილიზაციასა და კულტურაზე სამეცნიერო დისციპლინები არსებობს, თავი რომ დავანებოთ იმ აუარება ლიტერატურას და ბიბლიოთეკას, რომელიც დაწერილა. ამას გარდა, Qwelly-ზეც არაერთხელ გაიჟღერა ამ საოცარი ქვეყნის საოცარმა ისტორიებმა და არაერთგზის გამოისახა.

ათასწლეულები გავიდა მას შემდეგ, მაგრამ ეგვიპტის გაგონებაზე ყველას მაინც ანტიკური ეგვიპტის სიძლიერე ახსენდება, ფარაონები, პირამიდები და მათი აგების ხელოვნება, განუმეორებელი არქიტექტურა, ეგვიპტური თამაშები, შამპოლიონის სამკითხველო ფრესკები და სხვა დანარჩენი. 3000 წლიანი ძველეგვიპტური სიძლიერე, მისი მრავალმხრივი განვითარებულობა, მართლა სამარადისო ისტორიის ნაწილად დარჩება კაცობრიობას, მაგრამ ზოგჯერ არის ფაქტები, რომლებიც ან სხვაგვარად გვამახსოვრდება, ან სხვაგვარად ინტერპრეტირდება საზოგადოებებში.

ამ პოსტით დავუდებთ სათავეს ციკლს - უცნობი ანტიკური ეგვიპტე, სადაც წარმოგიდგენთ ხოლმე სხვადასხვა ცნობილი და გავრცელებული ფაქტების ალტერნატიულ, სამეცნიერო და ენციკლოპედიურ ვერსიებს.

მე, პირველ რიგში რა თქმა უნდა კლეოპატრას შესახებ მოვამზადებდი პოსტს.

ალბათ ანტიკურ ეგვიპტეში ტუტანახამონის შემდეგ ყველაზე ცნობილი სახელი სწორედ კლეოპატრაა, კიდევ უფრო კონკრეტულად კი კლეოპატრა VII დიდი, რომელიც თავისი ტრაგიკული სიყვარულით და აღსასრულით დაამახსოვრდა სამყაროს, მაგრამ ცოტამ თუ იცის, რომ იგი წარმოშობით სულაც არ იყო ეგვიპტელი.

(კლეოპატრა ეწოდებოდა პტოლემეების დინასტიის ყველა დედოფალს. კლეოპატრა VII იმიტომ იქცა გამორჩეულ ისტორიულ ფიგურად, რომ მისი მეუღლეები პტოლემე XIII და XIV გარდაიცვალნენ და მარტოოდენ დედოფალი განაგებდა ეგვიპტეს და უწევდა მოლაპარაკებები ან/და ომი რომის კეისართან. ეს ომი კეისრისა და მიხი მხედრის საყვარლობით სრულდება, ბოლოს კი დედოფლის ტრაგიკული აღსასრულით და ეგვიპტის რომის მიერ საბოლოო დაპყრობით!)

კლეოპატრა ალექსანდრიაში დაიბადა. ის იყო ალექსანდრე დიდის - მაკედონელის უახლოესი თანაშემწის, პტოლემე I-ის შთამომავალთაგანი (როგორც მთლიანად კლეოპატრათა დინასტია, რომელიც სახელდებიან პტოლემეებად). პტოლემეების დინასტაია ეგვიპტეს მართავდა თითქმის სამი საუკუნის განმავლობაში, ძვ. წ.-ის 323 დან ძვ. წ.-ის 30 წლამდე, ანუ იქამდე ვიდრე საბოლოოდ რომმა არ დაიპყრო ეგვიპტე და აქცია იგი თავის პროვინციად.

Universal History Archive / Getty Images

კლეპატრათა ალექსანდრიული წარმომავლობითვე აიხსნება მათი განსაკუთრებული მგრძნობიარობა საბერძნეთის და ბერძნების მიმართ. სახელგანთქმული კლეოპატრა VII კი იყო, იმ გამონაკლისთა შორის რომელნიც გამართულად საუბრობდნენ ძველეგვიპტურ ენაზე - ნილზე.

ციკლი განახლდება გვერდზე → უცნობი ანტიკური ეგვიპტე!