დიპლიპიტო დასარტყამ საკრავთა ჯგუფს მიეკუთვნება. იგი სათანხლებო საკრავია. მის სამშობლოდ აზია ითვლება. დიპლიპიტო სხვადასხვა სახელწოდებითაა ცნობილი. იგი მინიატურული დუმბულია, ძველად - ნაღარა ერქვა. სულხან-საბა ორბელიანის განმარტებით: "ნაღარა სხვათა ენაა, ქართულად სამვიკი ანუ დუმბული ჰქვია".

      დიპლიპიტო საქართველოში (ძირითადად აღმოსავლეთში) საკმაოდ გავრცელებული ყოფილა. იგი წარმოადგენს ორ ერთმანეთზე მიბმულ (სხვადასხვა ზომის) ტყავგადაკრულ თიხის ქოთანს, რომლებიც განსხვავებული ტემბრისა და სიმაღლის ბგერებს გამოსცემენ. ქილებს საყვავილე ქოთნის ფორმა ჰქონდა, რომელზეც ციკნის ან ხბოს ტყავი იყო გადაკრული. ქოთნები ერთმანეთთან თასმითაა გადაბმული. დიპლიპიტოზე უკრავენ თითებით ან ორი პატარა ჯოხით, ე.წ. «თხის ფეხუნებით».

      ძველად, ნაღარა, ანუ დუმბული საომარ საკრავს წარმოადგენდა, იყენებდნენ აგრეთვე ნადირობის დროსაც.

განახლებები აქ: "ქართული საკრავები"