დასვენება უბუდუს დაკიდულ ბაღებში, ეს იგივეა, რომ ისვენებდე ედემის ბაღის ანარეკლზე შექმნილ კურორტზე. ეს გახლავთ ბალი. მთლად ბაბილონი და სემირამიდა არ არის, მაგრამ არც არაფრით ჩამოუვარდება.

      ბალი ინდონეზიის კუნძულთა შორის ერთ-ერთი ყველაზე პატარა და მშვიდი კუნძულია და მთლიანად დასასვენებელი სამოთხუკებისთვისაა დაპროექტებული. მის ცენტრს წარმოადგენს უბუდი (UBUD), რომლიდანაც, სულ რაღაც 20 წუთის სავალზე აღმოჩნდებით უბუდუს დაკიდული ბაღების კურორტზე, სასტუმროში - Hanging Gardens Ubud! თუ კიდევ გაქვთ 90 წუთი და ავტომობილი, შეგიძლიათ გვერდით მდებარე მეორე სასტუმროს ეწვიოთ - Belmond Jimbaran Puri, სადაც არანაკლები სიამოვნება და დასვენება გელით, შესაძლოა უფრო ეგზოტიკურიც კი.

      მართალია, მთავარი მაინც ის შთაბეჭდილებაა, რომლებიც ფოტოებიდან მოდის, მაგრამ მცირეოდენი ინფორმაცია მაინც საჭიროა, რომ უკეთ შეიგრძნოთ ინდონეზიის ხიბლი.

      დაკიდული ბაღების სასტუმრო წარმოადგენს ვილების ტიპის სასტუმროს და აერთიანებს 15 დელუქს ტიპის აუზის ვილას, 15-ვე პანორამულ და 6 ორკაციან ოჯახური ტიპის აუზების ვილას. ყოველივე ამის შემოქმედი გახლავთ Gordon Shaw (ანგლო-ფრანგი არქიტექტორი), რომელმაც გარდა საცურაო აუზებისა, რომელიც სწორედ ამ დაკიდული ბაღბის ეფექტს ქმნის, სასტუმრო შეამკო ჰამაკებით, ეგზოტიკური სასადილო-რესტორნებით, მარადმწვანე ტერასებით, სამეფო აპარტამენტის სასტუმრო ნომრებით, აღმოსავლური რომანტიკით და მრავალი სხვა ღირს-სახილველი შესანიშნაობით.

      მოკლედ, ბევრი რომ არ გავაგრძელო, იხილეთ ფოტო მასალა უბუდის დაკიდული ბაღებიდან.