თავგადასავლების და რელიგიური ტურიზმის მოყვრულთათვის, თუ საინტერესო და იდუმალებით მოცული ადგილების ძიებაში ხართ, ეს ტაძრები და მონასტრები ძალიან დაგაინტერესებთ არამარტო გარეგნული, არამედ სულიერი თვალსაზრისითაც.

ჰაერში გამოკიდებული მონასტერი

      ჰენგშანის მთებში მოგზურობას თუ გადაწყვეტთ და ჩინეთს ესტუმრებით, მთებში ხეტიალისას კლდეებზე შეამჩნევთ ჩიტის ბუდეებს, მაგრამ დიდი ზომის. ეს კლდეზე მიშენებული ბუდისტური მონასტრებია. იქ მოღვაწე ბერებს შორის რამდენიმეს უკვე წმინდანის სტატუსიც აქვს, ამას გარდა მონასტერში ოქროს, ვერცხლის და თიხის ქანდაკებებია, შესაბამისად, კონფუციური, ბუდისტური და ტაოისტური სწავლებების სიმბოლოებად.

      ტაძარი "ხუ კონგ სი" აგებულია 491 წელს. მას შემდეგ ორჯერ განაახლეს მინგისა (1368–1644) და ქინგის (1644–1911) დინასტიებმა.

ვათ ფრა დჰამაკაია

      Wat Phra Dhammakaya წმინდა ადგილია დჰამაკაიას მოძრაობის ბუდისტებისთვის. თუმცა არაბუდისტებისთვისაც ძალიან შთამბეჭდავია – ეს ოქროსფერი “მფრინავი თეფში” 1970 წელს ააგეს როგორც მშვიდობისა და სიყვარულის სიმბოლო. 2010 წელს მორალური აღორძინების პროექტის ფარგლებში ერთ დღეს ასი ათასი ბერობის მსურველი შეიკირბა, რომლებიც 49 დღეს დაუთმობდნენ სულიერ განწმენდას.

მეტეორას მონასტერი

      მეტეორები, უფრო გავრცელებული სახელია მეტეორა და მეტეორას მონასტერი - ესაა სამონასტრო კომპლექსი, რომელსიც 24 მართლმადიდებლური მონასტერი ერთიანდება. მდებარეობს კალამბაკაში, საბერძნეთში. კომპლექსის სახელწოდება ბერძნულად ნიშნავს "ჰაერში შეკავებულს" და მართლაც, კლდის წვერზე მოთავსებული ტაძრების ირგვლივ მხოლოდ ჰაერია.