როდესაც სახლის ყიდვას აპირებთ, თქვენ შეიძლება წახვიდეთ სპეციალისტთან, რომელიც ცდილობს შეარჩიოს ყველაზე პოპულარული სტილის სახლი რომელიც გაიყიდა 2014 წელს, ან ტრადიციულად ნახოს, თუ რომელია ყველაზე ცნობილი საცხოვრებელი სხვადასხვა მხარეში და მთის რეგიონებში. სამხრეთ დასავლეთში კეთილმოწყობილი რანჩოს სტილიც შეიძლება შეგხვდეთ.

      ამერიკული არქიტექტურული ინსტიტუტის წევრის მარიკა სნაიდერი განმარტავს და საუბრობს სახლის სხვადასხვა სტილზე და დამახასიათებელ თავისებურებებზე.

1. Craftsman სტილი

      სნაიდერის თქმით Craftsman სტილის სახლები გვახსენებს მე-20 საუკუნის დასაწყისის ხელოვნებას და ხალხურ რეწვას, რომელიც დაიწყო როგორც ინდუსტრიული რევოლუციის საპასუხო რეაქცია, მხატვრები და დიზაინერები ფიქრობდნენ დაებრუნებინათ დეკორაციული ხელოვნება. Craftsman სტილის სახლის ექსტერიერი წარმოადგენს ქვის და ხის ნაზავს. ასეთმა სახლმა შეიძლება მოგაგონოთ ბუნგალო.

2. ქანთრი სტილი

      ქანთრი სტილის სახლი გავს უმეტესად კოლონიური სტილის განახლებულ ვერსიას, რომელზეც თავდაპირველად გავლენა იქონია მე-18 საუკუნეში კოლონისტების მიერ შემოტანილმა ევროპულმა სტილმა. მსგავს სახლებს შესასვლელში აქვს კარის ორივე მხარეს ორი ფანჯარა, პატარა სარკმელი კარების მაღლა. გამოირჩევიან თბილი და მყუდრო გარემოთი, ჩვეულებრივ აქვს ჟალუზები, სხვენის ფანჯარა და ხის დეტალები.

3. ტრადიციული სტილი

      იგი ქანთრი სტილის მსგავსია, განსხვავება მხოლოდ ისაა, რომ მეტ ყურადღებას აქცევენ ისტორიულ დეტალებს - განაცხადა სნიდერმა.

4. ევროპული სტილი

      ევროპული სტილის სახლები მომდინარეობს ფრანგული, იტალიური და ზოგჯერ ინგლისური სტილიდან. აქცენტი კეთდება ელემენტებზე, რომლებიც არის ძველი, თუმცა გამძლე, როგორიცაა თაბაშირის კედლები, მარმარილოსი ან ქვის იატაკი და მასიური ბუხარი. ევროპული ექსტერიერი შეიძლება შეიცავდეს ქვის, სპილენძის სახურავის ელემენტებს.

5. რანჩოს სტილი

      რანჩო არის დასავლეთის და სამხრეთ-დასავლეთის რეგიონის სტილის სახლი, თუმცა ეხლა მთელი ქვეყანაში გვხვდება. სნაიდერის გამარტებით რანჩო - ამ ტერმინის მნიშვნელობა მოდის როგორც ცალკე მდგომი სახლი. იგი წარმოადგენს ერთ სართულს, ამიტომ ის მოზრდილ ფართობზეა გაშლილი. რანჩო თანამედროვე სახლი გახდა 1950-60 წლებში.

6. ფერმერის სახლის სტილი

      მსგავსი ტიპის სახლი ბევრ ქვეყანაში გვხვდება, მისი საფუძველი მართკუთხედია, ხშირად დამატებული აქვს ერთი ან რამოდენიმე ნაწილი. იგი იმეორებს მე-19 საუკუნის დიზაინს, მაღალი ვიწრო ფანჯარა, დიდი სადარბაზო, ხით მოპირკეთებული გარე ფასადი.

7. კოტეჯი

      კოტეჯები პატარა ზომის სახლებია რომლებიც აღვიძებს 1920_იან წლებს, წინ აქვთ ფართო ვერანდა, იგი გავს Craftsman სტილის სახლს, თუმცა მასეთი ძვირი არ არის და ხის მასალა გამოიყენება მის ასაშენებლად.

8. თანამედროვე სტილი

      იგი პოპულარული გახდა 1950-60 წლებში, მას აქვს სწორი ან ოდნავ დაქანებული სახურავი, ფართო ფანჯრები, უპირატესობა ენიჭება მაღალი ხარისხის მასალებს როგორიცაა მარმარილო, ხის იატაკი.

9. სამხრეთული სტილი

      სამხრეთული სტილის სახლი ჩამოყალიბდა ამ რეგიონისთვის დამახასიათებელი ცხელი, ტენიანი კლიმატის შედეგად, იგი მოიცავს ხელსაყრელ პირობებს, როგორიცაა მიწის დონიდან ოდნავ ამაღლებული საცხოვრებელი, ფართო სახურავი და ვერანდა. სამხრეთული სტილის სახლს შეიძლება ქონდეს მე-19 საუკუნის დეტალები, როგორიცაა შესასვლელში არსებული სვეტები.

10. ხმელთაშუაზღვის სტილი

      მსგავსი სტილის სახლი გვხვდება ესპანეთში, სარანგეთსა და იტალიაში. შეიძლება ითქვას რომ მის ცენტრს წარმოადგენს შიდა ეზო და ვერანდა, რომლის გზაც გრძელდება სახლამდე. სახურავი შეიძლება იყოს დაქანებული და კრამიტით გადახურული - ამბობს სნაიდერი. ინტერიერის დეტალები არის მარტივი და მოიცავს დეკორატიულ ელემენტებს.