ოლიმპიური თამაშების მოლოდინში კიდევ უფრო წინ წავიწიოთ და ამჯერად საფეხბურთო მარათონის რეკორდული მაჩვენებელი მოვიგონოთ.

      ადრეული ფეხბურთისთვის, ერთ მატჩში გატანილი 6, 7, 8, 9 გოლი სულაც არ იყო გასაკვირი, მაგრამ 18? და თან ოლიმპიადაზე? ეს უკვე რეკორდია.

      1908 წელს, დიდ ბრიტანეთში, ლონდინში გამართულ ზაფხულის ოლიმპიურ თამაშებზე, ფეხბურთში დაფიქსირდა რეკორდული მაჩვენებელი, რომელიც დღემდე ამავე სტატუსით სარგებლობს.

      22 ოქტომბერს ჩატარდა ნახევარფინალური თამაშები. იყო ოთხი გუნდი: დიდი ბრიტანეთი, რომელიც ნიდერლანდებს დაუპირისპირდა და 4 - 0 დაამარცხა. და დანია, რომელიც საფრანგეთთან არკვევდა ფინალის საგზურის ამბავს და ეს მამლაყინწები 17 - 1 გაანადგურა.

დანიის ნაკრები, 1908 წელი

      საბოლოოდ იმ წელს, ოქროს მედალი დიდ ბრიტანეთს ერგო. ფინალში, 2 - 0 დაამარცხდა დანიის ეროვნული საფეხბურთო ნაკრები და დანიელებს მხოლოდ ვერცხლის რგოლები ჩამოჰკიდე კისერზე. თუმცა ოლიმპიადის ისტორიაში რეკორდსმენების ტიტულით დამკვიდრდნენ.

დიდი ბრიტანეთის ნაკრები, 1908 წელი

      იმავე ჩემპიონატზე, ბრინჯაოს მედალი, ნიდერლანდებისა და შვედეთის ეროვნულ საფეხბურთო ნაკრებ გუნდებს შორის დაპირისპირებაში ჰოლანდიელებს დარჩათ. დიახ, სწორად ამოიკითხეთ და მეც არაფერი შემშლია. მესამე ადგილისთვის არა ჰოლანდიელები და ფრანგები, როგორც წესი მოითხოვდა, არამედ ჰოლანდიელები და შვედები დაუპირისპირდნენ ერთმანეთს. ნახევარფინალში 17 - 1 წაგების შემდეგ საფრანგეთმა უარი განაცხადა ბრინჯაოსთვის ბრძოლაზე და მის ნაცვლად დიდ ბრიტანეთთან, სამი დღით ადრე, მეოთხედფინალში, 12 - 1 დამარცხებული შვედეთი გამოვიდა მწვანე მინდორზე. აქაც არ გაუმართლათ შვედებს და მათმა ნაკრებმა 2 - 0 წააგო.

      ოლიმპიური თამაშების ისტორიაში, დანიისა და საფრანგეთის ნაკრებების გუნდებს შორის დაფიქსურებული ანგარიში 17 - 1 დღემდე რეკორდული მაჩვენებელია. იმ მატჩში, სოფუს ნიელსენმა 10 გოლის გატანა მოახერხა.

დანიისა და საფრანგეთის ნაკრებებს შორის დაპირისპირება. დანია 17 - 1 საფრანგეთი

ოლიმპიადის ისტორიიდან, წაიკითხეთ:

• ახალგაზდა და მოხუცი ოქროსმედალოსნები