"პატარა შავი კაბა შეუცვლელი ელემენტია ქალის გარდერობში" ამბობს კრისტიან დიორი, გაბრიელ შანელის ქმნილებაზე.

კორსეტების, მეტისმეტი მოსართავებისა და არშიების ტყვეობაში მყოფი ქალებისათვის, უბრალო, ელეგანტური, ზედმიწევნით ქალური და ოდნავ პირქუში "პატარა შავი კაბა" ნამდვილი ხსნა იყო.

20-იანი წლების შუა პერიოდში შექმნილი კლასიკური შედევრი, დღემდე არ კარგავს აქტუალობას. იგი ყველა ქალის გარდერობში ძირითადი ატრიბუტია, ყველა კოლექციაში დაჯავშნულია მისთვის ადგილი და რაც მთავარია, არა მხოლოდ გარდერობში, "პატარა შავი კაბა" ქალის გულის მუდმივი ბინადარია.

1926 წელი იდგა. ახლად შექმნილი იყო ცნობილი სუნამო, Chanel №5. შანელმა საბოლოოდ თქვა უარი მაქმანებსა და კორსეტზე. გაბრიელს კარგად ახსოვდა მკაცრი ფორმის უნიფორმა, რომელიც ობოლთა პანსიონატში ეცვა. სწორედ ეს ასკეტური ფორმის სამოსი იქცა შთაგონების წყაროდ.

ქვეყანა ჯერ კიდევ იშუშებდა ომის ჭრილობებს. სწორედ გლოვას მიუძღვნა დიზაინერმა შავი ფერი (თუმცა ამბობენ, შანელის შემოქმედებაში დიდი დოზით სავი ფერი, წარუმატებელ სიყვარულს უკავშირდება). ასე შეიქმნა "პატარა შავი კაბა"

თავდაპირველი მოდელი, მუხლამდე სიგრძის იყო. სწორი ფორმით ეშვებოდა ტანზე. ყოველგვარი სამაგრისა და ღილის გარეშე. ვერ ნახავდით ნაკეცებსა და გოფრებს.

წარმატება შექმნისთანავე ერგო. მალე კი მთელი პლანეტა დაიპყრო.

მას შემდეგ, ბევრი სახეცვლილება განიცადა პატარა შავმა კაბამ. სხვადასხვა დიზაინერმა თავის გემოვნებას მოარგო. დაამოკლა, დააგრძელა, მოცულობა დაუმატა.. თუმცა ყველა მათგანის ქმნილებაში ჩანდა შანელის მიერ ჩადებული უცვლელი კოდი-სისადავე.

20-იან წლებში, პატარა შავი კაბა "ა ლა გაღსონ" სტილს მოერგო. 30-იან წლებში "საბედისწერო ქალის" ტიპი მოირგო. 50-იან წლებში მეტად სექსუალური და გლამურულო გახდა..

დღეს "პატარა სავი კაბა, უდაო ფავორიტია წითელ ხალიჩაზე, გადასაღებ მოედანზე, კოქტეილზე, გლამურულ წვეულებაზე.. ქუჩაში, სამსახურში.. და კიდევ ერთხელ ვრწმუნდებთ, რომ, სადა და გენიალური ქმნილება, არასოდეს დაბერდება.