მეოცე საუკუნის დაწყებიდან 30 წლის თავზე, ჭიათურაში, მომღარლი წყვილის ოჯახში დაიბადა ვაჟი, რომელსაც სახელად ანზორი დაარქვეს. მამა ტენორი, იყო, დედა - სოპრანო, შვილმაც რა თქმა უნდა მცირე ასაკიდან დაიწყო სიმღერა. ბავშვს თავიდანვე კარგი მუსიკალური სმენა და ხმა (დისკანტი) ჰქონდა. ცხრა წლისა იყო, როცა ჭიათურის მუსიკალურ სკოლაში ფორტეპიანოზე დაკვრა დააწყებინეს. სამწუხაროდ, სკოლაში რეგულარული სწავლა არ მიმდინარეობდა, მაგრამ მოზარდისათვის მაინც დიდი მნიშვნელობა ჰქონდა მუსიკალური ანბანის შეთვისებას.

      ცნობილი სანდრო კავსაძის შვილიშვილი ბავშვობაშივე ახერხებდა ჭიათურაში პატარა პიონერული გუნდების ხელმძღვანელობას.

      საშუალო სკოლა როცა დაასრულა, 19 წლის ჭაბუკი თბილისის პოლიტექნიკურ ინსტიტუტში მოეწყო, მაგრამ, მუსიკას მოწყურებული, პარალელურად თბილისის II მუსიკალურ ტექნიკუმში საგუნდო ხელოვნებაის შესწავლა დაიწყებს გრიგოლ კაპანაძესთან, რომელიც შთააგონებდა მას მომავალ პროფესიას - დირიჟორობას. შემდეგ იგი ნიჭიერ ბავშვთა მუსიკალურ სკოლა-ინტერნატში შედის, იქიდან კი უკვე 1951 წელს თბილისის კონსერვატორიაში აბარებს და 1956 წელს წარჩინებით ამთავრებს გიორგი ხახანაშვილის კლასს. მცირე ხნით სანდრო ინაშვილთანაც ეუფლება ვოკალს. მერე სწავლას აგრძელებს სპირანტურაში, ჯერ საგუნდო-სადირიჟორო განხრით, ხოლო 1961 წლიდან - სიმფონიურ-საოპერო დირიჟორის ოსტატობის დასაუფლებლად.

      1949 წელს თავისი ბიძის, მიხეილ კავსაძის, გუნდში სიმღერამ მას ბევრი რამ შესძინა. ანზორ კავსაძის მიერ ჭიათურაში მომზადებულმა გუნდმა 1951 წლის ოლიმპიადაზე პირველი ადგილი დაიკავა.

      1952 წლიდან თავის მასწავლებელ გიორგი ხახანაშვილთან ერთად რადიოკომიტეტის კაპელაში მუშობდა.

      1954 წლიდან კონსერვატორიის საოპერო სტუდიის გუნდის ქორმეისტერია, 1956 წლიდან - სახელმწიფო კაპელის დირიჟორი, ხოლო მომდევნო წლიდან საქართველოს სიმღერისა და ცეკვის დამსახურებული ანსამბლის მხატვრული ხელმძღვანელია. 1958 წელს ანსამბლმა ქართული ხელოვნების მეორე დეკადაზე მოსკოვში თავი ისახელა კარგი რეპერტუარითა და დახვეწილი შესრულებით. ამავე წელს მიენიჭა ხელოვნების დამსახურებული მოღვაწის საპატიო წოდება.

      ხელმძღვანელობს სხვადასხვა თვითმოქმედ ანსამბლებს, კვარტეტებს, ოქტეტებს და, გარდა ამისა, სახელმწიფო კონსერვატორიაში საოპერო მომზადების კათედრაზე მუშაობს პედაგოგ-დირიჟორად.

"ფონდი ქართული გალობა"