ფერისცვალების საგალობლები (ნოტები)
მაცხოვარი, წმინდა წერილში, სულ რამდენჯერმე განაცხადებს საკუთარ ღმრთაებრიობას და ერთ-ერთი ასეთი დღე არის ფერისცვალება, როდესაც უფალმა ინება, მოციქულების წინაშე ფერი ეცვალა თაბორის მთაზე. ეს სიუჟეტი, სახარების სამ სინოპტიკურ სახარებაშია მოთხრობილი და ათორმეტ საუფლო დღესასწაულთა შორის, ფერისცვალებას, გამორჩეული ადგილი უკავია, როგორც მიმნიშნებელს, რომ მორწმუნისთვის ყოველივე შესაძლებელია, მათ შორის ისეთი სრული ცვლილება როგორც ეს თაბორზე მოხდა. დღესასწაულის შესახებ, ვრცლად შეგიძლიათ წაიკითხოთ, ამ დღის თვენის საკითხავში.
დღესასწაულის სამწუხარ-საცისკრო და ლიტურგიკულ მსახურბებზე იგალობება შემდეგი ტროპარ-ძლისპირები:
ფერისცვალების ტროპარი:
მთასა ზედა ფერი იცვალე, ქრისტე ღმერთო, |
და უჩვენე მოწაფეთა შენთა დიდება შენი ||
ძალისაებრ მათისა |||
და გამოგვიბრწყინვე ჩვენცა ცოდვილთა ნათელი შენი მიუაჩრდილებელი, |
მეოხებითა ღმრთისმშობელისათა ||
ნათლისა მომცემელო უფალო, დიდება შენდა.
პურისკურთხევაზე და ღმერთი უფალის შემდეგ:
ამოსაბეჭდი ნოტები (გელათის კილო, ხმა გ):
• ფერისცვალების ტროპარი •
მოისმინეთ ტროპარი:
ასრულებს, ანჩისხატის ტაძრის მგალობელთა გუნდი
სადიდებელი:
აქებდით სახელსა უფლისასა... (134-ე ფსალმუნი)
გადიდებსა:
დაემატება...
საცისკრო წარდგომა:
თაბორი და ერმონი სახელითა შენითა იხარებდენ.
ძლისპირი თ:
ადიდე, სულო ჩემო, თაბორს ზედა ფერისცვალება უფლისა!
შობა შენი უხრწნელ არს ქალწულო, |
ღმერთი მუცლით შენით ||
გამოვიდა განხორციელებული, |||
კაცთა შორის იქცეოდა, |
ამისთვის ჩვენ შენ, ღმრთისმშობელო, ||
სამართლად ყოველი გადიდებთ. |||
ამოსაბეჭდი ნოტები:
• „უპატიოსნესას ნაცვლად“, ჩასართავი თ, ძლისპირი VIII •
საღმრთო ლიტურღია
სადღესასწაულო ანტიფონები:
პირველი ანტიფონი
ღაღადებდით ღმრთისა ყოველი ქვეყანა, უგალობდით სახელსა მისსა, მიეცით დიდება ქებულებასა მისსა;
► მეოხებითა ღმრთისმშობელისათა მაცხოვარ გვაცხოვნენ ჩვენ!
ხმა ქუხილისა შენისა ურმის თვალსა, გამოსჩნდეს ელვანი შენნი სოფელსა, შეიძრა და შეძრწუნებულ იქმნა ქვეყანა;
► მეოხებითა ღმრთისმშობელისათა მაცხოვარ გვაცხოვნენ ჩვენ!
აღსარება და დიდად შვენიერება შთაიცვ, შეიმოსე ნათელი ვითარცა სამოსელი;
► მეოხებითა ღმრთისმშობელისათა მაცხოვარ გვაცხოვნენ ჩვენ!
დიდება, აწდა.
► მეოხებითა ღმრთისმშობელისათა მაცხოვარ გვაცხოვნენ ჩვენ!
მეორე ანტიფონი
მთანი სიონისანი, გვერდნი ჩრდილოსანი, ქალაქი მეუფისა დიდისა;
► გვაცხოვნენ ჩვენ ძეო ღრთისაო რომელმან მთასა ზედა ფერი იცვალე, მგალობელნი შენნი ალილუია!
და აღიყვანა იგინი მთასა მას სიწმიდისა მისისასა, მთასა ამას, რომელ მოიგო მარჯუენემან მისმან;
► გვაცხოვნენ ჩვენ ძეო ღრთისაო რომელმან მთასა ზედა ფერი იცვალე, მგალობელნი შენნი ალილუია!
მთა სიონი რომელ შეიყვარა, და აღაშენა ვითარცა მარტორქისა სიწმინდე მისი;
► გვაცხოვნენ ჩვენ ძეო ღრთისაო რომელმან მთასა ზედა ფერი იცვალე, მგალობელნი შენნი ალილუია!
დიდება, აწდა
მხოლოდშობილი ძე ...
მესამე ანტიფონი
რომელნი ესვენ უფალსა, ვითარცა მთა სიონი არა შეირხიოს უკუნისამდე;
► ფერისცვალების ტროპარი: კურთხეულ ხარ შენ... ↑
მთანი გარემოს მისსა, და უფალი გარემოს ერისა თვისისა ამიერითგან და უკუნისამდე;
► ფერისცვალების ტროპარი: კურთხეულ ხარ შენ... ↑
უფალო, ვინ დაეშენოს კარავსა შენსა, ანუ ვინ დაემკვიდროს მთასა წმინდასა შენსა;
► ფერისცვალების ტროპარი: კურთხეულ ხარ შენ... ↑
ვინ აღვიდეს მთასა უფლისასა, ანუ ვინ დადგეს ადგილსა წმინდასა მისსა.
► ფერისცვალების ტროპარი: კურთხეულ ხარ შენ... ↑
მცირე შესვლად:
უფალო მოგვივლინე ნათელი შენი |
და ჭეშმარიტება შენი, ||
რათა წარგვიძღვეს და აღგვიყვანოს ჩვენ მთასა წმინდასა შენსა. |||
► ფერისცვალების ტროპარი ↑
► დიდება, აწ და.
► კონდაკი:
მთასა ზედა ფერი იცვალე ქრისტე ღმერთო |
და რაოდენ ძალ-ედვა მოწაფეთა შენთა, ||
დიდება შენი უჩვენე. |||
რათა რაჟამს იხილონ ჯვარცმა შენი, |
გულისხმა ჰყონ, ვითარმედ ვნება იგი ნებსით არს ||
და სოფელსა უქადაგონ, ვითარმედ შენ ხარ ჭეშმარიტად ბრწყინვალება მამისა. |||
წარდგომა სამოციქულოსი:
ვითარ განდიდნეს საქმენი შენი უფალო და ყოველივე სიბრძნით ჰქმენ.
ღირს-არსის ნაცვლად:
იხილეთ: მე-9 ძლისპირით ↑
განიცადე:
უფალო ნათლითა პირისა შენისათა ვიდოდეთ და სახელითა შენითა ვიხარებდეთ უკუნისამდე!
იხილეთ:
• დღისა მისთჳს, რომელსა იცვალა ხატი მაცხოვარმან მთასა წმიდასა თაბორსა
• ფერისცვალება (ხატები, ფრესკები, ტაძრები)
შენიშვნა: ფერისცვალების საგალობლები (ნოტები, ტექსტები) განახლდება ამავე გვერდზე.
ტეგები: Qwelly, აუდიო, გალობა, ნოტები, საგალობლები, სადღესასწაულო, საუფლო, ტროპარი, ძლისპირი
Welcome to
Qwelly
ღონისძიებები
ბლოგ პოსტები
ვისაც პოეზია უყვარს
გამოაქვეყნა დავით ბილიხოძე_მ.
თარიღი: ივლისი 3, 2025.
საათი: 12:30pm
0 კომენტარი
3 მოწონება
ვწვალობ მამაო, აღარ ძალმიძს სულის ნათება, ჩვენთან სამყარო მახინჯია, კუპრივით ბნელი, მტვრიან მიწაზე იმედების მოკალათებას, ვეღარ ვცდილობ და სამართალსაც ყოველდღე ვწყევლი, ვწვალობ მამაო, სტრიქონებით გესაუბრები, აღსარებაა ყველა ლექსი, - ჩემი განვლილის, პოეზია კი მხრებზე მადგას, როგორც უღელი და არ სუსტდება, მოყვასისთვის ხელი გაწვდილი, ვწვალობ მამაო, წვალებაა თვითონ ცხოვრებაც, ბრძოლის ველია, გავიტანო კბილებით უნდა, მაგრამ ბალღამი ქურდია და სულში მოძვრება რა მეშველება, იმედებიც თუ გამიხუნდა?…
გაგრძელებაValhalla Rising Strategy Guide – Dominate the Norse Realms
გამოაქვეყნა Karmasaylor_მ.
თარიღი: ივნისი 27, 2025.
საათი: 6:00am
0 კომენტარი
1 Like
Lionheart Studio, deeply inspired by Norse mythology. Set across the realms of Midgard, Jotunheim, Niflheim, and Alfheim, players are immersed in breathtaking landscapes, cinematic storytelling, and visceral combat. However, to thrive in the world of Odin, you'll need more than good looks and brute strength—you'll need solid strategies.
1. Choose the Right Class for Your Playstyle
At launch, Odin: Valhalla Rising features four primary classes: Warrior, Sorceress, Rogue, and…
გაგრძელებადამეხმარეთ გთხოვთ🖤
გამოაქვეყნა nino bubulashvili_მ.
თარიღი: ივნისი 20, 2025.
საათი: 11:26pm
0 კომენტარი
0 მოწონება
გამარჯობა❤ძალიან გთხოვთ როგორც დედა და როგორც ქალი,ამ მდგომარეობიდან ამოსვლაში დამეხმაროთ♥️️
სულ ვცდილობთ ვიშრომოთ მე და ჩემმა მეუღლემ, არდავნებდეთ, მაგრამ დავიღალე!ვეღარ აუდივართ,ძალიან ბევრ ხარჯს, ბავშვების ჭამა,ცუდათ ყოფნა,თითოეულ ვიზიტზე მასაჟს თანხა უნდა,გამოვიფიტეთ ყველაფრისგან,პატარაც გამიცივდა და წამლებში წავიდა იმ 600ლარის ხელფასის ნაწილი,სოციალური კი დავინიშნეთ მაგრამ ივლისამდე ვერ ვიღებთ,აღარც მაღაროზე გამოიძახეს ჯერ და იმ 60პროცენტსაც აღარ უხდიან😔 ბოლო პერიოდში ხალხი როარა…
Lamine Yamal
გამოაქვეყნა EFTcheat_მ.
თარიღი: ივნისი 6, 2025.
საათი: 3:30am
0 კომენტარი
0 მოწონება
In the world of soccer, wherever expertise frequently emerges within the unlikeliest of places, Lamine Yamal stands out for a beacon of prodigious talent and boundless opportunity. The young star has captured the imagination of enthusiasts and pundits alike, with performances that defy his many years. At just 16 a long time aged, Yamal is currently earning waves inside the sport—a testament to his incredible skill and devotion.
Early Lifetime and Background…
Qwelly World
© 2025 George.
•
