დაიბადა სოფელ მაკვანეთში. მამამისი გურიაში რაჭიდან იყო გადმოსული. ადრე დაობლებული გიორგის აღზრდა და სიმრერაში გაწაფვა იტვირთა მისმა ბიძაშვილმა, ცნობილმა მომრერალმა ეგნატე იობიშვილმა. გამორჩეული ნიჭის წყალობით შეგირდი ისე დაოსტატდა, რომ მალე მასწავლებელს წააჭარბა. გიორგისთან ერთად ეგნატე სიმღერას ასწავლიდა თავის დისწულს ­ნანიკო ბურძგლას, რომელიც გურიის სხვა სოფლიდან ჰყავდა ჩამოყვანილი.

      გიგო ერქომაიშვილმა და გიორგი ბაბილოძემ პირველად ქორწილში მოისმინეს იობიშვილის, ბურძგლას და მათი მასწავლებლის შეხმატკბილებული ღიღინი. გიგოს ძალიან მოეწონა ჭაბუკების სიმღერა, გიორგი იობიშვილს ხასანბეგურას დაწყება სთხოვა. გიორგიმ გაბედულად წამოიწყო, ბაბილოძემ გამყივანი დააწია, გიგო ერქომაიშვილმა ­ ბანი. ახალგაზრდა დამწყები ისე განსხავებულად, თავისებურად მრეროდა, ისეთ იმპროვიზაციებს მიმართავდა, რომ სიმრერაში გამობრძმედილ გიგოსა და გიორგის სიფრთხლის გამოჩენა დასჭირდათ. ის დღე იყო და ის დღე, გიგო ერქომაიშვილს და გიორგი ბაბილოძეს მის გარეშე აღარ უმრერიათ; ნანიკო ბურძგლაც მათი ანსამბლის წევრი გახდა. გიორგი იობიშვილის არაჩვეულებრივ იმპროვიზაციებს გურული მომღერლები დღემდე სამაგალითოდ მიიჩნევენ.

"ფონდი ქართული გალობა"