წმინდა ბასილი დიდი ლიტურღიაზე, რომელიც საწელიწადო ტიპიკონის მიხედვით 10 ჯერ აღესრულება, ღმრთისმშობლის სადიდებლის "ღირს არს"-ის ნაცვლად იგალობება "შენდამი იხარებს". წმინდა ბასილი დიდის ლიტურღია სრულდება 14 იანვარს, წმინდანის ხსენების დღეს; შობისა და ნათლისღების საუფლო დღესასწაულების მწუხრზე ან წირვაზე (დამოკიდებულია კვირის დღეზე); დიდი მარხვის პირველ, მეორე, მესამე, მეოთხე და მეხუთე კვირას; ვნების კვირის ხუთშაბათს (იგივე, დიდ ხუთშაბათს) და ვნების შაბათს.

ფოტო ქველიდან

ტექსტი:

შენდამი იხარებს, მიმადლებულო, ყოველი დაბადებული, ანგელოზთა კრებული და კაცთა ნათესავი. ტაძარო სიწმიდასაო, სამოთხეო პირმეტყველო, ქალწულებისა სიქადულო, რომლისაგან სიტყვა განხორციელდა და ყრმა იშვა უწინარეს საუკუნეთა ღმერთი ჩვენი, რომელმან საშო შენი საყდრად გამოაჩინა და მუცელი შენი ცათა უვრცელეს ჰყო. შენდამი იხარებს, მიმადლებულო, ყოველი დაბადებული, დიდება შენდა.

გახსენით/ჩამოტვირთეთ PDF ფორმატში:

• შენდამი იხარებს (ვერსია 1) •

წყარო: გელათის სკოლა

• შენდამი იხარებს (ვერსია 2) •

წყარო: დღესასწაულთა საგალობლები

• შენდამი იხარებს (ვერსია 3) •

წყარო: აღმოსავლეთის სკოლა