სვეტიცხოვლის საკათედრო ტაძარში, ჩვენს დედა-ეკლესიაში, გარდა სვეტიცხოვლის ვაჟთა გუნდისა, წირვა-ლოცვას თავისი ტკბილი ხმით ამშვენიერებს სვეტიცხოვლის ქალთა გუნდი. "მგალობელი დედები", როგორც მათ სვეტიცხოვლის მრევლი და სასულიერო პირები მოიხსენიებენ ხოლმე, ათეულ წელზე მეტია ტაძრის ერთგული მეხოტბენი არიან. 2000 წელს ისინი ტაძრის ერთ-ერთმა სასულიერო პირმა დეკანოზმა მიქაელმა (მაჭარაძე) შეკრიბა და სადაგ დღეებში, მაშინ როდესაც მამაო სამორიგეო მწუხრ-ცისკარსა და წირვას აღავლენდა, გოგონები მგალობლად დაადგინა. 2003 წელს სვეტიცხოველში ტაძრის წინამძღვრად არქიმანდრიტი ისააკი (ღადუა) იკურთხა. გოგონები ამ დროისთვის უკვე პროფესიონალურ გალობას იყვნენ დაუფლებულნი და მამაომაც მათი გუნდის, სვეტიცხოვლის ვაჟ-მგალობელთა გუნდის გვერდით დააყენა და შაბათ-კვირას და სადაგ დღეებში გალობის კურთხევა გასცა.

მცხეთის მუსიკალური სახლი, მცხეთა, 2015

      მას შემდეგ, სვეტიცხოვლის ქალთა გუნდი არ განშორებია მშობლიურ ტაძარს. გალობენ შაბათ-კვირას სრული შემადგენლობით და ასევე სადაგ დღეებში. გალობენ როგორც აღმოსავლურ, ასევე დასავლურ კილოს, იქნება ეს გელათის სკოლა თუ შემოქმედის, გალობენ კარბელაშვილების კილოსა და კერესელიძის შეგრევებულ საგალობლებს. ამჟამად გუნდი 20-მდე წევრს ითვლის.

      გუნდის ხელმძღვანელია ია ბაშარაძე.

სვეტიცხოვლის ქალ-მგალობელთა გუნდის წევრები: