მე გამოცდების შემდეგ?

მე მინდა მთაში...

ყაზბეგში, მაგრამ უფრო რაჭაში..

მე მინდა ისეთ მთაში სადაც იქნება წოწიალა (ჭოჭიალა) სკამი 

არა, ასეთი არა! აი ქვემოთ რომ ფოტოა ასეთი ძველებური მირჩევნია... :)

ჩავწვებოდი და დავისვენებდი... მუხლებზე 'ადიელას' დავიფარებდი... ხელში წიგნს დავიჭერდი და დავტკბებოდი ამაოების ამაოებით...

[მთელი ზაფხული სალათს და აჯაფსანდალს შევჭამდი... :)]

დილით მზეს გავაღვიძებდი...

მერე კაკლის ჩრდილში დავემალებოდი გულაღმა წამოწოლილი...

საღამოს მთებშუა ჩასვლისას ბოლოჯერ დავტკბებოდი მისი სხივებით... ხელს დავუქნევდი და გულისწყვეტით ჩავილაპარაკებდი - ეგებ ბოლოჯერ გხედავ ახლა...

ღამით მთვარეს დავღლიდი სიყვარულზე საუბრით...

წვიმაში ვირბენდი მწვანე ველებზე...

ბალახს გავთელავდი იმ იმედით, რომ მეორე დღეს კვლავ იბიბინებდა...

გვირილებს დავკრეფდი და მზეს მივაწვდენდი...

მდინარეს ავაზვირთებდი, ავაქაფებდი და მერე გონების ფირზე ავღბეჭდავდი წარუშლელ ნაკვალევად...

მოკლედ, მე გამოცდების მერე გემრიელ გამოძინებას ვაპირებ... და შენ? :) ;)