საქართველოს მართლმადიდებელ ეკლესიას მრავალი, მოღვაწეობითად გამორჩული წმინდა მამა ჰყავს. ერთ-ერთი მათგანია მეათე საუკუნეში მოღვაწე იოანე ჭყონდიდელი. მის შესახებ ვიგებთ გიორგი ხუცეს-მონაზონის თხზულებიდან "ცხორებაჲ გიორგი მთაწმიდელისა". როგორც ნაწარმოებიდან ირკვევა, იოანე თავადიშვილთა გვარის წარმომაგენელი იყო და კარგი საერო და სასულიერო განათლება მიუღია.

      წმინდა იოანე ჭყონდიდელი, რომელიც გამორჩეული იყო ღმრთისმეტყველების ცოდნით, ჯერ კიდევ ერისკაცობისას ეწეოდა საეკლესიო საქმეს. ბაგრატ IV-ს და მარიამ დედოფალს, ბიზანტიის იმპერატორ კონსტანტინე მონომაქოსის კარზე შეხვედრისას თან ახლდა. ამ შეხვედრას გიორგი მთაწმინდელიც ესწრებოდა. შეხვედრის შემდეგ, წმინდა იოანემ და მისმა ძმამ ათონის მთის მონასტერს დიდძალი შესაწირავის გაუგზავნეს. ასევე იოვანეს თაოსნობითა და მეფის დავალებით, 1059 წელს, საქართველოში ჩამოდის გიორგი მთაწმინდელი, მოგვიანებით სწორედ წმინდა ათონელი მამის ხელდასხმით მოხდება მოხდა ჭყონდიდის საეპისკოპოსო ტახტზე იოვანეს აღსაყდრება.

      1061, სხვა ცნობით 1065 წლიდან, ჭყონდიდის ეპარქიის მმართველს უკვე მთავარეპისკოპოსის ხარისხი აქვს და ერთ-ერთი დაწინაურებულია ჭყონდიდის კათედრა. საქართველოს ეკლესიის რეფორმის ორგანიზატორი გიორგი მთაწმინდელი, სწორედ იოვანე ჭყონდიდელის დახმარებითა და გვერდში დგომით ცდილობა იმ დროისთვის საკმაოდ დარღვეული საეკლესიო საქმეების მოწესრიგებას.

      1066-67 წლებში, კონსტანტინოპოლის კარზე საქართველოს ელჩობა იხმეს. ბაგრატ მეფეს კვლავ იოანე მთავარეპისკოპოსი გაუგზავნია. სწორედ ამ მოგზაურობისას დაუვალებია გიორგი ხუცესმონაზონისთვის გიორგი მთაწმინდელის ცხოვრების დაწერა. თხზულებაში გიორგი ხუცეს-მონაზონი, სწორედ იოანე ჭყონდიდელს ასახელებს ერთ-ერთ შემკვეთად: "ღმრთისმოყვარისაცცა მის მიერ მთავარეპისკოპოსისა იოვანეს ვიტყვი ჭყონდიდელსა, ძმასა ნეტარისა პეტრე პატრიკისასა... დიდად იძულებულ იქნა უღირსებაჲ ჩუენი... რათა ყოველი სახე აღსრულებისა და გასლვისა წმიდისა ამის მამის ჩუენისაჲ უნაკლოდ მიუთხრა".

      1085 წლიდან იოვანე ჭყონდიდელი, საქართველოს კათოლიკოს-პატრიარქის უწმიდესი დიმიტრის (1080-1090) თანაშემწეა - იგი სვინგელოზის პატივითაა დაჯილდოებული.

      გიორგი მთაწმიდელის მიერ შედგენილი სვინაქსარის გვიანდელ მინაწერის მიხედვით, დაახლოებით 1110 წლის 3 იანვარს "გარდაიცვალა სულკურთხეული მთავარეპისკოპოსი იოვანე ჭყონდიდელი".

◄ გუშინ | დღეს | ხვალ ►