ილიას სახელმწიფო უნივერსიტეტის ორგანიზებით!

მიმდინარე წლის 29 სექტემბერს, 11:00_დან 17:00_მდე, თბილისში პირველად გაიმართება სამეცნიერო ფესტივალი... უფრორე პიკნიკი...

აღნიშნული ფესტივალი წარმოადგენს ერთდღიან სამეცნიერო შემეცნებით ღონისძიებას ღია ცის ქვეშ, რომელიც მიზნად ისახავს მეცნიერების სხვადვასხვა დარგის პოპულარიზაციას.  ამ ღონისძიებისათვის ვაკის პარკში მოეწყობა კარვები, სადაც წინასწარ შერჩეული ქართული და პოლონური ჯგუფები სამეცნიერო, საგანმანათლებლო და კულტურული დაწესებულებებიდან წარმოადგენენ საკუთარ მიღწევებს და სხვადასახვა სახის ექსპერიმენტებსა და ინტერაქციულ გამოფენებს. ღონისძიება უპირველესად განკუთვნილია მოზარდი, სკოლის ასაკის თაობის წარმომადგენლებისათვის, თუმცა საინტერესო იქნება ნებისმიერი სხვა ასაკის ადამიანებისთვისაც.

სამეცნიერო ფესტივალი სხვადასხვა სახელწოდებითა და ვარიაციებით ყოველწლიურად იმართება მსოფლიოს მრავალ ქვეყანაში და დიდი პოპულარობით სარგებლობს.

საქართველოშიც აღნიშნული ღონისძიება გახდება რეგულარული და გაიმართება ყოველ წელს. უკვე პირველივე დაგეგმილი ღონისძიება საკმაოდ მასშტაბური და ინტერნაციონალური იქნება.

თუკი გექნებათ სურვილი, გახდეთ ფესტივალის ერთ-ერთი თანაორგანიზატორი, და დაგვეხმაროთ როგორც მოხალისე, რომ აღნიშნული ერთდღიანი ღონისძიება ჩატარდეს მაღალ დონეზე, გთხოვთ, გვეწვიეთ საინფორმაციო შეხვედრაზე, რომელიც გაიმართება მიმდინარე წლის 21 სექტემბერს, ილიას სახელმწიფო უნივერსიტეტის A 305 აუდიტორიაში (ჭავჭავაძის 32).