ძვირფასო სტუდენტებო!

მოგახსენებთ, რომ 23 თებერვალს, 16:00 საათზე მეტროსადგურ "თავისუფლების მოედნის" ვესტიბიულში გაიმართება ფოტოგამოფენა 25 თებერვალი - საბჭოთა ოკუუპაციის დღე - დაკარგული მე-20 საუკუნე. 

გამოფენა მოიცავს 1918-1921 წლების საქართველოს პირველი რესპუბლიკის პოლიტიკური და საზოგადოებრივი ცხოვრების, 1921 წლის კონსტიტუცის, საქართველო-რუსეთის ურთიერთობების და საქართველოს გერმანიასა და ბრიტანეთთან ურთიერთობების ამსახველ დღემდე უცნობ ფოტოებს. ექსპოზიციაში მთლიანადაა შესული 2011 და 2012 წლებში ევროპის საბჭოსა და დ. ბრიტანეთის პარლამენტში გამართული საქართველოს 1921 წლის კონსტიტუციისადმი იმძღვნილი გამოფენა. 

გამოფენას გახსნიან: ავტორი, საქართველოს პირველი რესპუბლიკის მკვლევარი და პარლამენტის წევრი გიორგი კანდელაკი, პარლამენტის წევრი და ილიას უნივერსიტეტის პროფესორი დავით დარჩიაშვილი, საქართველოს პირველი რესპუბლიკის თავდაცვის მინისტრ გრიგოლ ლორთქიფანიძის ვაჟი თეიმურაზ ლორთქიფანიძე და1921 წელს გმირულად დაღუპული იუნკრის შალვა ერისთავის შთამომავალი თამარ აშხათავა. 

გამოფენა გაგრძელდება 9 მარტამდე.