მოგახსენებთ, რომ 23 მარტს თბილისის დროით ზუსტად 19:30 საათზე მსოფლიოს 140-მდე ქვეყანასთან ერთად საქართველო საერთაშორისო გარემოსდაცვით აქციას - „დედამიწის საათს" შეუერთდება. თბილისში ჩაბნელდება „მრგვალი ბაღი" და მის მიმდებარე ტერიტორიაზე გაეროს სახლი. ახალგაზრდა „მწვანე კლუბელებმა" ამ დღის სპეციალური ნიშანი - "60+" სანთლებით გამოსახეს.  სანთლების შუქზე გაიმართება კონცერტი. წელს „დედამიწის საათის" მთავარი სლოგანია: „მე გავაკეთებ, თუ შენ გააკეთებ."

საქართველოში დედამიწის სიმბოლური ერთი საათის აღსანიშნავად ერთი საათით ჩაბნელდება საკვანძო შენობები და საჯარო ადგილები დიდ ქალაქებში. ელექტროენერგიის 60 წუთით გამორთვით აქციის მონაწილეები დედამიწის მიმართ თანადგომას გამოხატავენ და კლიმატის ცვლილების წინააღმდეგ მიმართულ ყველაზე მასშტაბურ მსოფლიო აქციას - დედამიწის საათს უერთდებიან. საქართველოში დედამიწის საათი მეხუთედ აღინიშნა. წლევანდელი კამპანია განსაკუთრებით მასშტაბურია და უამრავ მონაწილესა და მხარდამჭერს აერთიანებს.

ღონისძიებაში მონაწილეობის მსურველები დაუკავშირდით ეკატერინე ეკა ბენდელიანი ნომერზე  599 287940

საქართველოს სხვადასხვა ქალაქში დაგეგმილი აქციების ორგანიზატორები არიან გარემოს დაცვის სამინისტრო, გაეროს წარმომადგენლობა საქართველოში, კავკასიის გარემოსდაცვითი არასამთავრობო ორგანიზაციების ქსელი (CENN), ველური ბუნების ფონდი საქართველოში (WWF) და ბევრი სხვა ორგანიზაცია და თითოეული ადამიანი, რომელიც მონაწილეობას  იღებს „დედამიწის საათის" აღნიშვნაში და ერთი საათი მიუძღვნის დედამიწას.