გაცნობებთ, რომ 3 აპრილს, 19:00 საათზე (G 106), ილიას სახელმწიფო უნივერსიტეტის ხელოვნების სამეცნიერო-კვლევითი ინსტიტუტი და ამერიკის შეერთებული შტატების საელჩო საქართველოში გთავაზობთ ემად სალემის ლექციას „ხელოვნების ადმინისტრირება“.

ემად სალემი (საერთაშორისო პროგრამების დირექტორის მოადგილე) - წარმოშობით ეგვიპტიდან. დასს 2011 წლის ივნისიდან შეუერთდა და მას შემდეგ გეგმავს და ახორციელებს Dancing to Connect-ის პროგრამას ხუთი კონტინენტის 25-ზე მეტ ქვეყანაში. არის Battery Dance Company-ს ინსტიტუტის ლექტორი. მისი გამოცდილება მოიცავს ისეთ საქმიანობებს, როგორიც არის: რჩევების მიცემა საჯარო დიპლომატიასთან დაკავშირებულ საკითხებზე, არასამთავრობო და ფართო პროფილიანი ორგანიზაციებისთვის, მთავრობისთვის. ასევე, კონსულტაციების გაწევა უნარიანობის ამაღლებაზე, განათლებასა და სასწავლო გეგმის გაუმჯობესებაზე, გამოკვლევების მეთოდოლოგიაზე და სტრატეგიულ განვითარებაზე. ემად სალემის მიღებული აქვს  კოლუმბიის უნივერსიტეტის მაგისტრის ხარისხი ეკონომიკურ და პოლიტიკურ განვითარებაში, ორმაგი ბაკალავრის დიპლომი ამერიკული უნივერსიტეტის საერთაშორისო სწავლებასა და ეკონომიკაში.

ლექცია ჩატარდება ინგლისურ ენაზე.

დასწრება თავისუფალია.

----------

გაცნობებთ, რომ 3 აპრილს, 15:00 საათზე (E213), ილიას სახელმწიფო უნივერსიტეტის ხელოვნების სამეცნიერო-კვლევითი ინსტიტუტი უმასპინძლებს ვილნიუსის თეატრის, მუსიკის, კინო და  ტელევიზიის აკადემიის პროფესორს, კინორეჟისორსა და კინოსცენარისტს - გიედრე ბეინორიუტეს.

გიედრე ბეინორიუტე - რეჟისორი და სცენარისტი. დაიბადა 1976 წლის 23 აგვისტოს. 2002 წელს დაამთავრა ლიტვის თეატრის, მუსიკის, კინოს და ტელევიზიის აკადემიის კინო-ტელე ფაკულტეტის  სამაგისტრო პროგრამა და მიიღო მაგისტრის ხარისხი აუდიო-ვიზუალურ ხელოვნებაში. მას  გადაღებული და დაწერილი აქვს სცენარი 7 მხატვრული, მოკლე და საშუალო მეტრაჟიანი დოკუმენტური ფილმისთვის. მისი ფილმები აღიარებულია როგორც ლიტვაში, ისე ქვეყნის ფარგლებს გარეთ. ასევე მუშაობდა პროდიუსერად. ასწავლის სცენარის წერასა და რეჟისურას თეატრის, მუსიკის, კინოს და ტელევიზიის აკადემიაში. არის ლიტვის კინემატოგრაფისტთა კავშირის წევრი.

მასთან შეხვედრის მეორე დღიდან, კერძოდ 4,5,8 და 10 აპრილს, 18:00 საათზე, წიგნის მაღაზია „ლიგამუსში“, პროფესორი გიედრე ბეინორიუტე, ხელოვნების სამეცნიერო-კვლევითი ინსტიტუტის მხარდაჭერით, გთავაზობთ თანამერდოვე ლიტვური კინოს საღამოებს.

დასწრება თავისუფალია.

----------

3 აპრილს, 17:00 საათზე, A 101 აუდიტორიაში მომავალ ანგლისტთა ასოციაციის კინო–კლუბი გიწვევთ ფილმის Mr. Nobody-s ჩვენებაზე.
ფილმის შემდეგ გაიმართება დისკუსია თემებზე "თავისუფალი არჩევანი" , "ბუნებრივი ფენომენი", "სამყაროს შექმნის პროცესი".

მისამართი: ჭავჭავაძის 32

დასწრება თავისუფალია.

----------

მოგახსენებთ, რომ 2 აპრილს, 12:00 საათზე, ილიას სახელმწიფო უნივერსიტეტის G106 აუდიტორიაში (გ. წერეთლის 2, ყოფილი ენციკლოპედიის შენობა) აუტიზმის საერთაშორისო დღესთან დაკავშირებით გაიმართება  აუტიზმის შესახებ გადაღებული ფილმის პრეზენტაცია.
ფილმი მომზადდა "ფონდი - ღია საზოგადოება საქართველოს" დაფინანსებით. ფილმზე მუშაობდა ილიას სახ. უნივერსიტეტის სატელევიზიოსასწავლო ცენტრი, ბატონ ზურაბ ოშხნელისხელმძღვანელობით.
აგრეთვე, ამ დღესთან დაკავშირებით, ილიას სახელმწიფო უნივერსიტეტის ლექტორი
გიორგი ლიპარიშვილი გამართავს მარიონეტების სპექტაკლს აუტიზმის ცენტრის ბავშვებისათვის.

----------

მოგახსენებთ, რომ ილიას სახელმწიფო უნივერსიტეტი და “National Geographic საქართველო” იწყებენ საინტერესო დისკუსიების ყოველთვიურ სერიას ჟურნალის მიერ გაშუქებულ სხვადასხვა სფეროში.