23 აპრილს, სამშაბათს, აღინიშნება წიგნის საერთაშორისო დღე

ამასთან დაკავშირებით, ილიას სახელწიფო უნივერსიტეტი გეგმავს შემდეგ ღონისძიებებს:

დილის 11:00  საათიდან ილიას სახელმწიფო უნივერსიტეტის  შესასვლელთან (ჭავჭავაძის #32) იმოქმედებს Book Drive, რომლის ფარგლებშიც ნებისმიერ  მსურველს შეეძლება ჩააბაროს წიგნები ბავშვთა სახლებისთვის და ვაკის პარკის ახლად დაარსებულ სამკითხველო "მედიათეკისათვის".

12:00  საათიდან 13:00-მდე წიგნის მაღაზია "ლიგამუსში" გაიმართება ზღაპრების კითხვა ბავშვებისთვის. სადაც ნებისმიერ მსურველს შეეძლება მოიყვანოს ბავშვი 4 წლის ასაკიდან.

14:00 საათზე ჩვენი უნივერსიტეტის სტუდენტები ჭავჭავაძის გამზირზე მოაწყობენ წიგნის დღესთან დაკავშირებულ ფლეშმობს.

17:00 საათზე  "ლიგამუსში" გაიმართება ილიაუნის "წიგნის კითხვის კლუბის"  შეხვედრა სტუდენტებთან, სადაც მოხდება ჯეკ ლონდონის ნოველის "სიცოცხლის სიყვარულის" საჯარო განხილვა. ასევე მოწვეული იქნება ლიტერატურათმცოდნე, პროფესორი, ლევან ცაგარელი.

18:00 საათზე სტუდენტებს შეხვდება კითხვის გამავრცელებელი საზოგადოება ლევან ღამბაშიძესთან და მოწვეულ სტუმართან ერთად.

P.S. თუკი გექნებათ სურვილი, მონაწილეობა მიიღოთ წიგნის საერთაშორისო დღესთან დაკავშირებულ ფლეშმობში, გთხოვთ დაუკავშირდეთ სტუდენტურ სერვის ცენტრს.

ჭავჭავაძის გამზ. №32
ოთახი  C220
T.: 2 29 47 11
მობ.: 598 323 484