ა(ა)იპ კონსტიტუციონალიზმის კვლევისა და ხელშეწყობის რეგიონალური ცენტრი აცხადებს 

კონსტიტუციის დღეებს

22 ოქტომბერი - სტუდენტური ოლიმპიადა კონსტიტუციურ სამართალში

1. ოლიმპიადაში მონაწილეობა შეუძლია სტუდენტთა 6 კაციან გუნდს. გუნდის შემადგენლობაში უნდა იყოს არანაკლებ 2 გოგონა, ბაკალავრიატის სტუდენტებთან ერთად დასაშვებია გუნდში იყოს 1 დოქტორანტი და 1 მაგისტრანტი;

2. ოლიმპიადა ითვალისწინებს გუნდების მიერ:

   1. კონსტიტუციონალიზმის ცენტრის საშინაო დავალების შესრულებას და მის 15-წუთიან პრეზენტაციას;

   2. ერთმანეთთან დებატების გამართვას კითხვა - პასუხის რეჟიმში (სამ-სამი კითხვა);

   3. პასუხის გაცემას ჟიურის მიერ დასმულ 3 კითხვაზე (მოსაფიქრებლად 10 წუთი ყოველ კითხვაზე);

   4. ჟიურის მიერ დავალებული  ერთი კაზუსის ამოხსნას (წერილობითი პასუხის მოსამზადებლად 30 წუთი).

3. შეფასების კრიტერიუმები:

ა) კონსტიტუციური სამართლის ცოდნა;

ბ) გუნდური მუშაობის უნარ-ჩვევები;

გ) დებატების წარმართვის უნარი;

დ) კაზუსის ამოხსნის უნარი;

ე) მოხსენების პრეზენტირების ხარისხი.

4. ყველა მონაწილე მიიღებს სერთიფიკატს.

25 ოქტომბერი - "რა, სად, როდის?"

       სტუდენტურ ოლიმპიადაში გამარჯვებული გუნდები მონაწილეობას მიიღებენ ინტელექტუალურ თამაშში „რა, სად, როდის?“, რომლის მიხედვითაც გამოვლინდება გამარჯვებული გუნდი.

გამარჯვებული გუნდის წახალისება:

ა) დასაჩუქრდება საპრიზო ფონდით განსაზღვრული თანხით,

ბ) გუნდის წევრებს დაურიგდებათ დიპლომები

გ)  უზრუნველყოფილი იქნება მისი მონაწილეობა 2014 წლის საერთაშორისო სტუდენტურ ოლიმპიადაში;

დ) უზრუნველყოფილი იქნება გამარჯვებული გუნდის წევრების 2014 წლის საზაფხულო სკოლაში მონაწილეობა.

ოლიმპიადაში მონაწილეთა საყურადღებოდ:

       განაცხადების წარდგენა უნდა მოხდეს 2013 წლის 18 ოქტომბრამდე უმაღლესი სასწავლებლისა და მონაწილეთა სახელებისა და გვარების მითითებით,  ელექტრონული ფორმით - ngo.constcentre@gmail.com  ან მობრძანდეთ კონსტიტუციონალიზმის ცენტრში

მისამართი: დ. აღმაშენებლის გამზ. 89/24, VI სართული (თბილქალაქპროექტის შენობა).

       ა(ა)იპ კონსტიტუციონალიზმის კვლევისა დახელშეწყობის რეგიონალური ცენტრი ასევე გეგმავს შემდეგი ღონისძიებების ჩატარებას:

17 ოქტომბერი - სამოქალაქო საზოგადოების დაინტერესებულ პირთათვის საჯარო ლექცია კონსტიტუციურ სამართალში; (10 ოქტომბრიდან 16 ოქტომბრის ჩათვლით ჩვენი facebook-ის გვერდზე და skype-ში ყველა დაინტერესებულ პირს შეეძლება დასვას კითხვები და მიიღოს ონლაინ კონსულტაცია. მათგან აქტიური ადამიანებისთვის ჩატარდება საჯარო ლექცია);

18 ოქტომბერი - ფიზიკურად უნარშეზღუდულ პირებთან ლექციის ჩატარება ადამიანის უფლებებისა და თავისუფლებების შესახებ, საქართველოს კონსტიტუციების დარიგება ქართულ-ინგლისურ ენებზე;

21 ოქტომბერი - საზაფხულო სკოლაში მონაწილე მოსწავლეების მიერ კონსტიტუციონალიზმის გაკვეთილების ჩატარება დიდუბე-ჩუღურეთის რაიონის საჯარო სკოლებში;