გლობალური საბაკალავრო გაცვლითი პროგრამის პრეზენტაცია

Global Undergraduate Exchange Program

13 ნოემბერს, სამშაბათს, 17:00 საათზე, ილიას სახელმწიფო უნივერსიტეტის A კორპუსში, A405 აუდიტორიაში (ჭავჭავაძის გამზირი #32) გაიმართება გლობალური საბაკალავრო გაცვლითი პროგრამის პრეზენტაცია. შეხვედრაზე დაინტერესებულ პირებს შეუძლიათ, მიიღონ ინფორმაცია აღნიშნულ პროგრამაში მონაწილეობის პირობების, კრიტერიუმებისა და პროცედურების შესახებ.

პროგრამის შესახებ

სტუდენტური პროგრამა საშუალებას აძლევს სტუდენტებს სომხეთიდან, აზერბაიჯანიდან, ბელორუსიიდან, საქართველოდან, ყაზახეთიდან, ყირგიზეთიდან, მოლდოვეთიდან, რუსეთიდან, ტაჯიკეთიდან, თურქმენეთიდან, უკრაინიდან და უზბეკეთიდან ერთი აკადემიური წლის განმავლობაში ისწავლონ ამერიკის შეერთებული შტატების უნივერსიტეტში ან კოლეჯში სრული დაფინანსებით. პროგრამაში მონაწილეობის მიღება შეუძლიათ საბაკალავრო საფეხურის ნებისმიერი კურსის სტუდენტებს.

პროგრამა ფინანსდება ამერიკის შეერთებული შტატების სახელმწიფო დეპარტამენტის მიერ. მის ადმინისტრირებას კი ახდენს საერთაშორისო კვლევებისა და გაცვლების საბჭო (IREX).