(განცხადება დაინტერესებული სტუდენტებისა და მაგისტრანტებისთვის)

„საქართველოს დებატებისა და განათლების ინსტიტუტის“ ინიციატივით „ილიაუნიში“ იქმნება  დებატების კლუბი, რომელიც გააერთიანებს უნივერსიტეტის სტუდენტებსა და მაგისტრანტებს. შეგიძლიათ მობრძანდეთ პრეზენტაციაზე 18 ოქტომბერს, 15 საათზე, 101 აუდიოტირაში

საპარლამენტო დებატები მსოფლიოს მრავალ ქვეყანაშია გავრცელებული და ძირითადად საუნივერსიტეტო კლუბების ფორმით ვრცელდება და ხდება მისი პოპულარიზაცია. თავდაპირველად ანგლო-საქსურ ქვეყნებში გავრცელებული ეს საგანმანათლებლო ინსტრუმენტი, რომელიც წარმოადგენს ფორმალური დებატების ერთ-ერთ სახეს, დღეს ევროპის, აზიისა და აფრიკის ქვეყნების უმაღლეს სასწავლებლებში ფუნქციონირებს. მისი ასეთი ფართო მასშტაბით გავრცელებასა და პოპულარობას ხელი შეუწყო საპარალმენტო დებატების თამაშის სახემ და მნიშვნელოვანი უნარ-ჩვევების განვითარების შესაძლებლობამ, რასაც აღნიშნული თამაში იძლევა.

კლუბის მუშაობა მოიცავს ყოველკვირეულ  შეხვედრებს, რომლის დროსაც მისი წევრები შეისწავლიან ფორმალური დებატების განსხვავებული ფორმატის წესებს, მონაწილეობას მიიღებენ სხვადსასხვა ტიპის სავარჯიშეობსა და როლურ თამაშებში და  ითამაშებენ  დებატებს. დებატების კლუბის ინიციატივით და ორგანიზებით გაიმართება სადემონსტრაციო და საჯარო დებატები, ასევე შიდა საუნივერსიტეტო და ღია ტურნირები, სადაც კლუბის წევრები პირველ რიგში მიიღებენ მონაწილეობას.

კლუბის წევრებს საშუალება მიეცემათ „ილიანუისა“ და „საქართველოს დებატებისა და განათლების ინსტიტუტის“ რეკომენდაციისა და მხარდაჭერის საფუძველზე მონაწილეობა მიიღოს საპარლამენტო დებატების საერთაშორისო ტურნირებსა და ფორუმებში, რომლებიც მუდმივად იმართება საგანათლებლო დებატების უმსხვილესლი საერთაშორისო ქსელის IDEA-ს ღონისძიებების ფარგლებში.

საპარლამენტო დებატების კლუბის წევრობის მსურველებმა უნდა გაიარონ ერეტაპიანი კონკურსი, რომლის პირველი საფეხური გულისხმობს სპეციალური აპლიკაციის ფორმის შევსებას (ფორმა თანდართულია), ხოლო მეორე საფეხური - ზეპირ გასაუბრებას უნივერსიტეტის ადმინისტრაციისა და „დებატებისა და განათლების ინსტიტუტის“ წარმომადგენლებისაგან შემდგარ სპეციალურ კომისიასთან.

დეტალების დასაზუსტებლად შეგიძლიათ მობრძანდეთ პრეზენტაციაზე:

ხუთშაბათს, 18 ოქტომბერს, 15 საათზე 101 აუდიტორიაში

აპლიკაციის მიღება იწარმოებს 19 ოქტომრის 18:00 საათამდე.

პრეზენტაცია გაიმართება 18 ოქტომბერს 15 საათზე.

ჩამოტვირთეთ >> აპლიკაცია

სააპლიკაციო ფორმა შეავსეთ და გამოგვიგზავნეთ ჩვენ მეილზე - studentlife@iliauni.edu.ge