ჩვენი საიტის ერთგულ მკითხველს ემახსოვრება, რომ გასულ თვეში გამოვაქვეყნეთ სიახლე: Erasmus Mundus-ის კონკურსი!

ახლა კი ილიაუნის საინფორმაციო გვერდებზე და ცნობარებში გამოჩნდა ახალი შეტყობინება:

2012 წლის 24 სექტემბერს, 16:00 საათზე, ილიას სახელმწიფო უნივერსიტეტის G 106 აუდიტორიაში (გ. წერეთლის 2, ყოფილი ენციკლოპედიის შენობა) გაიმართება  Erasmus Mundus-ის მეორე აქტივობის პროექტის ALRAKIS საინფორმაციო შეხვედრა.

შეხვედრაზე ასევე განხილული იქნება ელექტრონული სააპლიკაციო ფორმის შევსების საფეხურები.

შეგახსენებთ, რომ პროგრამა გულისხმობს სტუდენტთა მობილობას ევროპული ქვეყნების შემდეგ უმაღლეს საგანმანათლებლო დაწესებულებებში:

• გიოტინგენის უნივერსიტეტი, გერმანია - გრანტის მფლობელი და კოორდინატორ
• ლიუვენის კათოლიკური უნივერსიტეტი, ბელგია
• ვარშავის სიცოცხლის შემსწავლელ მეცნიერებათა უნივერსიტეტი, პოლონეთი
• სანტიაგო დე კომპოსტელას უნივერსიტეტი, ესპანეთი
• ტალინის უნივერსიტეტი, ესტონეთი
• ტუსკიას უნივერსიტეტი, იტალია
• გრაცის უნივერსიტეტი, ავსტრია
• სტოკჰოლმის სამეფო ტექნოლოგიური ინსტიტუტი, შვედეთი

კონკურსში გამარჯვებულებს პროგრამის ფარგლებში დაენიშნებათ სტიპენდია. ამასთანავე, პროგრამა ანაზღაურებს მგზავრობისა და მასთან დაკავშირებულ ხარჯებს, ფარავს მობილობის პერიოდში დაზღვევისა და სწავლების საფასურს.

განაცხადების მიღება ხდება ელექტრონულად. კონკურსში მონაწილეთა შერჩევა მოხდება წარდგენილი საბუთების საფუძველზე.

განაცხადების მიღების ბოლო ვადაა 2012 წლის 10 ოქტომბერი.

პროგრამის შესახებ დეტალური ინფორმაცია იხილეთ შემდეგ ბმულებზე:

http://www.iliauni.edu.ge/index.php?lang_id=GEO&sec_id=900&...

http://www.alrakis.eu