ერაზმუს მუნდუსის გაცვლითი პროგრამა MID აცხადებს კონკურსს სტუდენტების, მკვლევრებისა და აკადემიური/ადმინისტრაციული პერსონალისათვის ევროპის უმაღლეს საგანმანათლებლო დაწესებულებებში სწავლის, კვლევისა და კვალიფიკაციის ამაღლების მიზნით სტიპენდიის მოსაპოვებლად.

       კონსორციუმი წარმოდგენილია შემდეგი ევროპული უნივერსიტეტებით:

• ტურკუს უნივერსიტეტი, ფინეთი - კოორდინატორი
• სალონიკის არისტოტელეს უნივერსიტეტი, საბერძნეთი
• ბერლინის ჰუმბოლდტის უნივერსიტეტი, გერმანია
• ალგარვეს უნივერსიტეტი, პორტუგალია
• ბოლონიის უნივერსიტეტი, იტალია
• ბორდოს უნივერსიტეტი 1, საფრანგეთი
• დეუსთოს უნივერსიტეტი, ესპანეთი
• ვილნიუსის უნივერსიტეტი, ლიტვა
• ვარშავის ეკონომიკური სკოლა, პოლონეთი

       პროგრამა სრულად ფარავს სწავლის, მგზავრობის, დაზღვევის ხარჯებს და უზრუნველყოფს კონკურსში გამარჯვებულს ყოველთვიური სტიპენდიით:

• ბაკალავრი - 1000 ევრო
• მაგისტრანტი - 1000 ევრო
• დოქტორანტი - 1500 ევრო
• პოსტდოქტორანტი - 1800 ევრო
• აკადემიური/ადმინისტრაციული პერსონალი - 2500 ევრო

       კონკურსში მონაწილეობის მიღება შეუძლიათ:

- საქართველოს მოქალაქეებს;

- ილიას სახელმწიფო უნივერსიტეტის ბაკალავრიატის სტუდენტებს (ან სხვა აკრედიტებული უმაღლესი საგანმანათლებლო დაწესებულების ბაკალავრებს, რომლებიც სხვადასხვა მიზეზით იძულებით გადაადგილებული პირის სტატუსით სარგებლობენ).

- საქართველოს ყველა აკრედიტებული უმაღლესი საგანმანათლებლო დაწესებულების მაგისტრატურისა და დოქტორანტურის სტუდენტებს;

- მკვლევრებს;

- ილიას სახელმწიფო უნივერსიტეტის აკადემიურ და ადმინისტრაციულ პერსონალს.

       კონკურსში მონაწილეობის უფლება არ აქვთ:

- მათ, ვისაც ბოლო ხუთი წლის მანძილზე 12 თვეზე მეტი დრო აქვთ გატარებული ევროკავშირის რომელიმე ქვეყანაში;

- პირველი და მეოთხე კურსის ბაკალავრებს.

      მნიშვნელოვანი თარიღები:

       ელექტრონული განაცხადის გაგზავნის ბოლო დღე 2013 წლის 11 დეკემბერი, 14:00 საათი ფინეთის დროით (GMT +2);

       დანართების გაგზავნის ბოლო დღე 2013 წლის 18 დეკემბერი, 14:00 საათი ფინეთის დროით (GMT +2).

       ან დაუკავშირდით ილიას სახელმწიფო უნივერსიტეტის განვითარებისა და საგარეო ურთიერთობების სამსახურს:

• მისამართი: ქ.ჩოლოყაშვილის 3/5, ავსტრიული ბიბლიოთეკის შენობა, ოთახი H105
• ტელეფონი: 995 322 14 13 88
• ელ-ფოსტა: mid@iliauni.edu.ge