ბოლო დროს მთელს მსოფლიოში პოლიტიკური ვითარება ისეთი დაძაბულია, როდის იფეთქებს და გასკდება და აღიგვება პირისაგან მიწისა ეს ერთი გოჯი დედამიწა, კაცმა არ იცის. ასეთ დროს მნიშვნელოვანია პოლიტურ მეცნიერთა და ფილოსოფოსთა აზრის მოსმენა და გაზიარება. 

სწორედ ამ მიზნით, ილიაუნის ვებ გვერდზე ვრცელდება განცხადება, რომელსაც უცვლელად გთავაზობთ:

2 სექტემბერს, 17:00 საათზე, ილიას სახელმწიფო უნივერსიტეტი მსოფლიოში აღიარებულ პოლიტიკურ მეცნიერს და ფილოსოფოსს, ფრენსის ფუკუიამას და სტენფორდის უნივერსიტეტის პროფესორს ერიკ ჯენსენს უმასპინძლებს.

შეხვედრის თემა: სახელმწიფოს მშენებლობა, სამოქალაქო საზოგადოება და რელიგია.

შეხვედრა ილიას სახელმწიფო უნივერსიტეტში ტარდება  სტენფორდის უნივერსიტეტის დემოკრატიის, განვითარებისა და კანონის უზენაესობის ცენტრის (CDDRL) და ეკონომიკური კვლევის ცენტრის (EPRC) პარტნიორიბით 1-3 სექტემბერს დაგეგმილი ლიდერთა ფორუმის The Future of Democratization: Lessons of Building a Modern State in 21st Century-Georgia ფარგლებში.

ილიას სახელმწიფო უნივერსიტეტი ფრენსის ფუკუიამას და ერიკ ჯენსენს მიანიჭებს საპატიო დოქტორის ხარისხს. 

დრო: 2 სექტემბერი, 17:00 საათი
ადგილმდებარეობა: G 106 აუდიტორია, ილიას სახელმწიფო უნივერსიტეტი.

დასწრება თავისუფალია