ძვირფასო სტუდენტებო!
მოგესალმებით და გაცნობებთ, რომ ამერიკის შეერთებული შტატების მთავრობა აცხადებს 2013-2014 გლობალურ სტუდენტურ გაცვლით პროგრამას. ანკეტის ჩაბარების ბოლო ვადაა 2013 წლის 14 იანვარი.

გლობალური UGRAD პროგრამა წარმოადგენს აშშ სახელმწიფო დეპარტამენტის განათლებისა და კულტურის ბიუროს პროგრამას და მას ადმინისტრირებას უწევს საერთაშორისო კვლევისა და გაცვლების საბჭო (IREX).გლობალური UGRAD პროგრამა ევრაზიისა და ცენტრალური აზიის ქვეყნებში საშუალებას აძლევს სტუდენტებს სომხეთიდან, აზერბაიჯანიდან, ბელორუსიიდან, საქართველოდან, ყაზახეთიდან, ყირგიზეთიდან, მოლდავეთიდან, რუსეთიდან, ტაჯიკეთიდან, თურქმენეთიდან, უკრაინიდან და უზბეკეთიდან ერთი აკადემიური წლის განმავლობაში ისწავლონ ამერიკის შეერთებული შტატების უნივერსიტეტში ან კოლეჯში. პროგრამაში მონაწილეობის შედეგად არ მოხდება აკადემიური ხარისხის მინიჭება.

პროგრამა სრულად არის დაფინანსებული და ითვალისწინებს ნებისმიერ სასწავლო დისციპლინას.

გლობალური სტუდენტური გაცვლითი პროგრამის ანკეტის მიღება და ჩაბარება შესაძლებელია საერთაშორისო კვლევისა და გაცვლების საბჭოს (IREX) ოფისში. დეტალური ინფორმაციისთვის, გთხოვთ, იხილოთ ვებგვერდი: www.irex.ge/ugrad

აგრეთვე შესაძლებელია ანკეტების ჩაბარება ინტერნეტის საშუალებით: oas.irex.org/ugrad/Logon?ReturnUrl=%2fugrad