ქრისტესშობიდან მესამე საუკუნეში, რომში ცხოვრობდნენ ძმები - კოზმა და დამიანე. ქრისტეს რჯულით მონათლულმა მშობლებმა, შვილებიც ღმრთისმოსაობით გაზარდეს და მკურნალთა ხელობაში გაწაფეს. მაგრამ კურნება არა მხოლოდ კაცთათვის ცნობილი წამლებით შეეძლოთ, არამედ მათ თვით უფალი შეეწეოდა და სასწაულებრივი განკურნების ნიჭიც ჰქონდათ, როგორც უფლის მოიმედეებს. საეკლესიო ტრადიცია მათ უვერცხლო მკურნალებს უწოდებს, აქ იგულისხმება ის ფაქტი, რომ განკურნების სანაცვლოდ სასყიდელს არ იღებდნენ, რადგან თვლიდნენ "ჩვენ საკუთარი ძალებით კი არ ვკურნავთ სნეულებს, არამედ უფლის სახელით. ირწმუნეთ ქრისტე და განიკურნებით". როცა მშობლებისგან მდიდარი მემკვიდრეობა მიიღეს, მათ ქონების გაყიდვა და გლახაკთა დახმარება დაიწყეს. თავიანთი სიკეთით, გულმოწყალებითა და უანგარობით წმიდანებმა მრავალი მოაქციეს ქრისტეს სჯულზე.

      ქველმოქმედთა ცხოვრება ნელ-ნელა უფრო პოპულარული ხდებოად რომში. ინფორმაცია მათი მოღვაწეობის და რაც მთავარია აღმსარებლობის შესახებ რომის სამეფო დარბაზებამდეც მივიდა, რის შემდეგაც საიმპერატორო კარმა მათი შეპყრობა გადაწყვიტა. მაგრამ როცა დამსჯელ-დამპატიმრებელი ჯარისკაცები ქრისტიანულ თემს "შეესივნენ" კოზმა და დამიანე ვერ იპოვეს. მაშინ გადაწყვიტეს სხვა ქრისტიანები დაეტუსაღებინათ, კოზმა და დამიანი კი მათი გამოსყიდვის საპირწონედ იქნებოდნენ შეწირულნი. ასეც მოხდა, მკურნალი ძმები ჩაბარდნენ იმ პირობით რომ დანარჩენ ქრისტიანებს გაათავისუფლებდა რომი. უფლის რჩეულნი ჯერ დააპატიმრეს, შემდეგ კი სამსჯავრო მოუწყვეს სადაც მათ დაუფარავად აღიარეს თავიანთ სარწმუნოება.

      იმ ხანად, უფლის განგებით, იმპერატორი მარკუს ავრელიუს კარუს ავგუსტუსი სნეულებით დაავადდა. როცა ვერცერთმა მკურნალმა და მჩხიბავმა ვერ უშველა, მაშინ ამაყმა იმპერატორმა განსაკურნებლად სწორედ ძმები იხმო. და პირობაც დადო, თუკი განკურნავდნენ, მაშინ მოინათლებოდა და ქრისტეს აღიარებდა. ძმება უწამლეს იმპერატორს და მანაც შეასრულა პირობა, ორთავე გაათავისუფლა (თუმცა იმპერატორის მონათვლის შესახებ არაფერია ცნობილი.)

      მართალია სამეფო კარს გადაურჩნენ, მაგრამ შურს ვერა. მათმა მასწავლებელმა, რომლისგანაც ძმები ერთ დროს მკურნალთა ხელოვნებას სწავლობდნენ, გადატყვიტა უფლის მოსავნი თავიდან მოეშორებინა, რადგან ფიქრობდა რომ მათი ავტორიტეტი მისას დაამცრობდა. ამ მიზნით, ვითამდა სამკურნალო ბალახების შესაგროვებლად ისინი ტყეში წაიყვანა, მოკლა და ცხედრები მდინარეში გადაყარა.

      P.S. უნდა შევნიშნოთ რომ სხვა არის კოზმა და დამიანე არაბები, რომლებიც იხსენიებიან 30 ოქტომბერს და კოზმა და დამიანე მცირე აზიიდან, რომელთა ხსენებაც არის 14 ნოემბერს.

◄ გუშინ | დღეს | ხვალ ►