წმინდა ბაგრატი, ჯერ კიდევ მაშინ დაიბადა, როდესაც იესო ქრისტე - განკაცებული სიტყვა, ქადაგებდა და მოღვაწეობდა. ბაგრატი წარმოშობით ანტიოქიელი იყო, მისი მშობლებიც იქიდან გალხდნენ. როდესაც იესოს შესახებ შეიტყო ბაგრატის მამა, შვილთან ერთად იერუსალიმში ჩავიდა, რადგან სურდა საკუთარი თვალით ეხილა საკვირველმოქმედო მოძღვარი. მაცხოვრის აღსრულებული სასწაულების ხილვის შემდეგ, მოსმენილი ქადაგების და მადლის შეგრძნობის შემდეგ, ბაგრატის მამამ აღიარა იესო ძე ღმრთისად და მის მოწაფეებსაც დაუახლოვდა.

      ელეონის მთაზე მაცხოვრის ამაღლების შემდეგ, როცა მოციქულები საქადაგებლად წავიდნენ სხვადასხვა ქვეყნებში, ანტიოქიაშიც ჩავიდა ერთ-ერთი მოწაფე უფლისა და ბაგრატი, მის მშობლები და მთელ სახლეული მონათლა ქრისტეს რჯულზე. მშობლების გარდაცვალების შემდეგ, წმინდა მამამ მიატოვა ყოველივე მონაგები და პონტის მთებს მიაშურა, ერთი გამოქვაბული მონახა და ის გაიხადა ღამის გადათევად და თავის მისადრეკად. დღეებს ლოცვასა და უფლის განგებულებაზე ფიქრში ატარებდა. პეტრე მოციქული პონტში ყოფნისას შეხვედრია ბაგრატს და ანტიოქიაში წაუყვანია, შემდეგ კილიკიაში - იქ, სადაც პავლე ქადაგებდა იმ ხანად. მოციქულთა თავთა მიერ ხელდასხმული ბაგრატი, სიცილიის ქალაქ ტავრომენიის ეპისკოპოსად დადგინდა.

      მღვდელთმათავარი ბაგრატი ერთ-ერთი პირველია ვინც ქრისტიანული ტაძარი ააგო, დაიწყო საღმრთისმსახურო მსახურებების აღსრულება. ავრცელებდა ქრისტეს რჯულს და მრავალ მიმდევარს იჩენდა. წმინდა ბაგრატი, მრავალი წლის განმავლობასი მოსაგრეობდა, ვიდრე წარმართებმა არ დაუწყეს შევიწროება და როცა დრო იხელთეს, მოულოდნელად თავს დაესხნენ და ქვებით ჩაქოლეს.

      წმინდა მოწამე ნეტარი ბაგტრატის უხრწნელი ნაწილები, რომში, წმინდა ბაგრატის სახელზე აგებულ ტაძარშია დაბრძანებული. წმინდა ბაგრატის ხსენება ასევე აღინიშნება 22 თებერვალს.

◄ გუშინ | დღეს | ხვალ ►