კაჯა პუნარი. გუშინდელი მოგზაურობის შემდეგ ვისვენებ. წერილებს ჩავუჯექი, თანაც ფრანგულ წიგნს ვკითხულობ ალავიტებზე,[1] რომელნიც ამ მიდამოებში ბინადრობენ. ისინი ძველი ფინიკიელების შთამომავლებად მიაჩნიათ. მე-9 საუკუნიდან მუჰამედ იბნ ნუსაირის მოძღვრების გაარაბებული მიმდევრები არიან, თუმცა საკუთარი რელიგია მაინც აქვთ. მათი რელიგია საკუთარ წარმოდგენებთან ქრისტიანობისა და ისლამის ნაზავს უნდა წარმოადგენდეს, თავიანთი მღვდლები ჰყავთ და მისტერიის მსგავს ცერემონიებს ატარებენ. ახალი წლის ღამეს ჯაბალ ალ-აკრას მწვერვალზე ათევენ და აღმოსავლეთიდან ამომავალი მზის პირველ სხივებს ლოცვით ეგებებიან. თავიანთ დღესასწაულებთან უცხოებს არ აკარებენ.