გუშინ ეკლესიიდან ძალიან გვიან დავბრუნდით. ჩვენთვის - ექვსი ბერისთვის ორი ოთახი იყო გამზადებული. კარგად გავიცანი ისინი, ვინც ჩემთან ერთად უნდა დაბინავებულიყო. ერთი მათგანი ვოლინიიდან იყო, ამიტომ ბევრი გვქონდა სასაუბრო და, სხვა ბერებისთვის ლოცვაში ხელი რომ არ შეგვეშალა, ბანზე ავედით. ბანიდან მთელი სოფელი ხელისგულზე გადაშლილივით მოჩანდა. სოფელში აქა-იქ შუქი ენთო. გვესმოდა, მონასტერში მონაზვნები ხვალინდელი დღისთვის როგორ ემზადებოდნენ. წარსულში ეს მონასტერი სტუმრიანობით იყო ცნობილი. არეულობის გამო დღეს ბევრი ხალხი არ მოსულა. აქაურობას ხვალ, ალბათ, მეტწნი ეწვევიან.

      ბანზე სიამოვნებით დავრჩებოდი უფრო მეტ ხანს, მაგრამ ქვემოთ უნდა ჩავსულიყავი. მეორე დღს წირვა მქონდა და უნდა მოვმზადებულიყავი.