მაგდალაში ვარ და ვისვენებ. აქ ძალიან პრიმიტიული საცხოვრებელი პირობებია. საწოლი ხის ქვეშ, მინერალური წყაროს გვერდით მოვაწყვე, ისე რომ ან საწოლში ვწევარ ან წყალში. მხოლოდ თევზს ვჭამ.

      ტიბერიის ტბასთან რუსული ადგილ-მამულია, სწორედ იმ ადგილას, სადაც სასწაულებრივი თევზაობა გაიმართა[1] და სადაც ქრისტემ წყალზე იე გაიარა, როგორ ხმელეთზე.[2] მკვდრეთით აღდგომის შემდეგ ამ ადგილას იგი ბოლოჯერ ესაუბრა თავის მოწაფეებს და აქ გაიმართა ისი მშვნიერი დიალოგი პეტრესთან.[3] აქაური იყო მარიამ მაგდალინელის. აქ სამი მაგდალაა: ერთი - მთაზე შეფენილი არაბული სოფელი, მეორე - ძველი ებრაული კლონიაა, აქედან დაახლოებით სამი კილომეტრის მოშორებით, და ეს მამული. აქ ცხოვრობს ერთი მორჩილი, რომელსაც ნაყოფიერ მიწაზე გრეიპფრუტის პლანტაცია აქვს გაშენებული. მასთან ერთად ერთი მუშაც ცხოვრობს. მორჩილი მაინც უკმაყოფილიოა და სირიაში უნდა წასვლა. აქ კიდევ სამი ხნიერი ქალი ცხოვრობს, რომელთაც პატარა სახლები აუშენებიათ. ალბათ, ებრაელებს ამ ადგილ-მამულის დაუფლება უნდათ. მათ სასამართლოშიც კი უჩივლეს რუსულ წარმომადგენლობას. ეგონათ, რომ წარმომდგენლობა სასამართლო პროცესს წააგებდა, რადგან საბუთები არ ჰქონდთ (ყველა საბუთი ლენინგრადში[4] ინახება). მაგრამ წარმომადგენლობამ ქალების წყალობით, რომელნიც ომის დაწყებიდანვე აქ ცხოვრობენ, შემოღობილი ადგილი შეინარჩუნა, ხოლო ღობის გარეთ მიწა, რომელიც სევე წარმომაგენლობას ეკუთვნოდა, ხელისუფლებას გადაეცა. ადრე აქ ტბები ა ჰეროდეს[5] საზაფხულო რეზიდენცია იყო. ეს ადგილი მინერალური წყაროებითაა მდიდარი. ზღვის პირას საუცხოო ბაღებია, სადაც ხეხილი, ბანანის ხშირი ბუჩქები და ფინიკის მაღალი პალმებია გაშენებული. მათი მშურს, ვინც აქ ცხოვრობს. მებაადურებ ყოველდღე ახალი თევზი მოაქვთ. აქედან თოთხმეტ კილომეტრზეა ბეთსაიდა[6], საიდანაც იყო პეტრე. ბეთსაიდასთან ახლოსვეა კაპერნაუმი, რომლის იქითაც „ნეტარებათ მთა“[7] არის აღმართული. იქით, შორს, მთაზე, სეფადი მოჩანს. იქ შუქს ძალიან გვიანაც ვხედავ, როცა უკვე საწოლში ვწევარ. ეს ის ქალაქია, რომელზეც ქრისტემ თქვა, რომ „ვერ დაიმალება ქალაქი, მთი მწვერვალზე გაშენებული“.[8]

      მთელი ღამე სროლის ხმა გაისმის. დღისით კი, სეფადისკენ მიმავალ გზატკეცილზე, რომელიც სნახევროდ დანგრეული ღობის გასწვრი გადის, სულ ჯარისკაცებით სავსე მანანები მოჩანს.