მარტვილის საფეხბურთო კლუბი მერანი „სალხინოს“ ბაზაზე შეიქმნა საქართველოს ერთ-ერთ ულამაზეს მარტვილის რაიონში (ჭყონდიდის ეპარქიაში), რომელიც მდიდარია ფეხბურთზე უსაზღვროდ შეყვარებული ჭეშმარიტი მამულიშვილებითა და საფეხბურთო ტრადიციებით.
მარტვილში ფეხბურთის ისტორია იწყება 1955 წლიდან, როდესაც ჩამოყალიბდა საფეხბურთო გუნდი გეგეჭკორის (ამჟამად მარტვილის) „სალხინო“, ფეხბურთის განვითარებისათვის უაღესად ერთგული მამულიშვილის გიგლა სურმავას უდიდესი ძალისხმევით.
1955 წლიდან „სალხინო“ ბრწყინვალედ გამოდიოდა საქართველოს ჩემპიონატში, 1960 წელს კი გადავიდა საქართველოს ჩემპიონატის პირველ ჯგუფში, რომლის ძირითად საფეხბურთო ბირთვს შეადგენდნენ ისეთი გუნდები, როგორებიც იყვნენ: სოხუმის „დინამო“, ზუგდიდის „დინამო“, ფოთის „კოლხეთი“, სენაკის „ეგრისი“, სამტრედიის „ლოკომოტივი“, ლანჩხუთის „გურია“, ოზურგეთის „მერცხალი“, ბათუმის „დინამო“, ქუთაისის „დინამო“, ტყიბულის „მეშახტე“, ჭიათურის „მაღაროელი“, ზესტაფონის „მეტალურგი“, გორის „დილა“, ახალციხის „მესხეთი“, ცხინვალის „სპარტაკი“, თელავის „ნადიკვარი“, თბილისის „სინათლე“, „სკა“ ისანი, ფიზკულტურის ინსტიტუტი, და ის რომ გეგეჭკორის „სალხინო“ დამკვიდრდა მათთან ერთად იყო ბატონი გიგლა სურმავასა და მწვრთნელის ქიშვარდ ჭილაიას უდიდესი დამსახურება. 1964 წელს საფეხბურთო კლუბი „სალხინო“ ჩაიბარა სპორტულმა საზოგადოება „კოლმეურნემ“ თავჯდომარე გურამ ჭილაია, რომლის ხელმძღვანელობით „სალხინომ“ დიდ წარმატებას მიაღწია. 1972 წლამდე მწვრნელთა კორპუსს სათავეში ედგა მთავარი მწვრთნელი ბიჭიკო შალელაშვილი.
საფეხბურთო გუნდ „სალხინოში“ აღიზარდნენ საერთაშორისო კლასის ფეხბურთელები: თბილისის „დინამოს“, საბჭოთა კავშირის ნაკრების ცენტრალური მცველი და გუნდის კაპიტანი მურთაზ ხურცილავა, ქუთაისი „ტორპედოს“ თავდამსხმელი, საკავშირო ჩემპიონატის მრავალგზის ბომბარდირი დევიზ დარჯანია, თბილისის „დინამოსა“ და უცხოეთის წამყვან კლუბებში მოთამაშე ბადრი დანელია, მოითხოვდა შემდგომ აღორძინებას.აღორძინება კი დაიწყო მაშინ, როდესაც მარტვილის ფეხბურთს სათავეში ჩაუდგნენ ბატონი ფრიდონ ინჯია და მისი შვილი ილია ინჯია, ეს იყო უდიდესი საფეხბურთო შემობრუნება რაიონში, როგორც ინფრასტრუქტურის წესრიგში მოყვანის და ფეხბურთის განვითარების მიმართულებით.
საფეხბურთო კლუბი „სალხინოს“ ბაზაზე ბატონი ფრიდონ ინჯიას, ნუგზარ მონიავას, დაზმირ ვახანიას, ემილ გალდავას მიერ დაფუძნებულ იქნა საფეხბურთო კლუბი „მერანი“, რომელმაც დაიმკვიდრა ადგილი საქართველოს ჩემპიონატის პირველ ლიგაში.
2011 წელს პირველად არსებობის მანძილზე გუნდმა ისტორიულ წარმატებას მიაღწია, მოიპოვა რა უმაღლესი ლიგის საგზური და ქართული ფეხბურთის ძლიერთა მარაქაში გაერია. მიმდინარე ჩემპიონატზე „მერანი“ სასიამოვნოდ აოცებს ფეხბურთის სპეციალისტებს და სრულად ამართლებს გულშემატკივართა იმედებს.
ტეგები: qwelly, მერანი, პოეზია, რაშები, ფეხბურთი, ცხენები
Welcome to
Qwelly
გამოაქვეყნა Ketevan_მ.
თარიღი: ივლისი 18, 2025.
საათი: 8:13pm
0 კომენტარი
0 მოწონება
გამოაქვეყნა Ketevan_მ.
თარიღი: ივლისი 18, 2025.
საათი: 7:00pm
0 კომენტარი
2 მოწონება
შუალედური წერა
ქეთევან პოპიაშვილი…
გაგრძელება
© 2025 George.
•