თურქებისაგან მძიმე ჟამი დაუდგა საბერძნეთს XI საუკუნეში. მაჰმადიანებმა დაარბიეს საბერძნეთის ტერიტორიები მცირე აზიაში, შეურაცხყვეს ქრისტიანული ტაძრები, ხატები, სხვადასხვა სიწმინდეები. განსაკუთრებით აქტიურობდნენ მირონლუკიაში, სადაც სპეციალურად წმინდა ნიკოლოზის პატიოსანი ნაწილების დარბევისთვის გაგზავნეს რაზმი, მაგრამ იქ მისულებმა სხვა სამარხი შეურაცხყვეს და უკან გაბრუნდნენ.

     მირონლუკიის დარბევის და საფლავთა მოოხრების ამბავმა ერთნაირად შეაძრწუნა როგორც აღმოსავლეთის, ასევე დასავლეთის ეკლესიები. იტალიიდან, ქალაქ ბარიდან გამოემართა ვაჭართა გემი მირონლუკიისგენ. ვაჭრებს განზრაღული ჰქონდათ, უკან გაბრუნებისას საკვირველმოქმედი მთავარეპისკოპოსის წმინდა ნაწილები გამოესყიდათ და ქალაქ ბარში გადაესვენებინათ. როდესაც ტაძართან მივიდნენ, იქ მხოლოდ ოთხი ბერი დახვდათ, რომლებიც საფლავს იცავდნენ და გულმხურვალედ ლოცულობდნენ. როგორც კი ვაჭრებმა ჰკითხეს წმინდა ნიკოლოზის საფლავის ადგილი, ბერებმა იმ წამსვე მიასწავლეს, რადგან წმინდა ნიკოლოზისგან ჰქონდა უწყება საფლავის დაცვისა და როდესაც 50_მდე ჯარისკაცი იხილეს, ისინი სწორედ მცველებად მიიჩნიეს. მაშინ ბარელებმა საფლავი გახსნეს და წმინდა ნაწილთა გადაბრძანება დააპირებს. ბერებს არ უნდოდათ წმინდა ნაწილების მირონლუკიიდან გადასვენება, მაგრამ უკვე გვიანი იყო - ვეღარც ქალაქის გაფრთხილებას ასწრებდნენ და არც წინააღმდეგობის გაწევა შეეძლოთ. ბარელებისგან შეთავაზებულ 300 ოქროს მონეტაზე უარი განაცხადეს. გამოეთხოვნენ წმინდა ეპისკოპოსს. 1087 წლის 20 აპრილს მათემ მირონით სავსე სარკოფგიდან წმინდა ნიკოლოზის პატიოსანი ნაწილები აღმოსვენა და გემით წააბრძანა ქალაქ ბარში.

     ბარელები ზეიმით შეეგებნენ წმინდა მღვდელთმთავრის შებრძანებას იტალიის მიწაზე. პატიოსანი ნაწილები წმინდა სტეფანეს ეკლესიაში დაკრძალეს 1087 წლის 9 მაისს, ერთი წლის შემდეგ კი პაპმა ურბან II-მ ახლადაშენებული, წმინდა ნიკოლოზის სახელობის ტაძარი აკურთხა.

     მრავალი სასწაული აღესრულა წმინდა ნაწილთა გადასვენებისას, მრავალი მომლოცველი იკურნება წმინდა ნაწილებთან რწმენით მიახლებული და კიდევ მრავალჯერ განცხადდება უფლის სახელი წმინდა ნიკოლოზის საფლავთან.

იხილეთ:

"წმინდა ნიკოლოზის ცხოვრება"

◄ გუშინ | დღეს | ხვალ ►