სოლო სინქრონული ცურვა

      ეს სახეობა 1992 წლის შემდეგ ამოიღეს. სოლო ცურვა გულისხმობდა მუსიკასთან, და არა სხვა სპორტსმენებთან,სინქრონულ მოძრაობებს.

ბაგირის (გადა)ქაჩვა

ინგლისი-ირლანდია

      ეს სახეობა 1920 წლის შემდეგ ოლიმპიური თამაშების დროს აღარ იმართება, მიუხედავად იმისა, რომ ის დიდი პოპულარობით სარგებლობდა მაყურებლებში და საკმაოდ დიდი ფსონებიც იდებოდა მისი მსვლელობისას:)

Jeu de paume ე.წ. ჩოგანბურთი

      სპორტის ეს სახეობა, რომელიც 1908 წლიდან ამოიღეს ოლიმპიური თამაშებიდან, ჩოგბურთის წინაპრად შეიძლება ჩაითვალოს. ჯერ კიდევ შუა საუკუნეებში ის საკმაოდ პოპულარული გასართობი იყო. თანამედროვე ჩოგბურთისგან განსხვავებით, მასში აქტიურად მონაწილეობდა კედლები, რომლისგან ასხლეტილი ბურთები საკმაოდ რთული სამართავი იყო. დღესდღეობით მისი მხოლოდ 20 კორტი არსებობს და ელიტურ სპორტის სახეობად ითვლება.

ბაგირზე ცოცვა

      გამარჯვებას მაგირზე მცოცავი თავიდან მხოლოდ სიმაღლის, შემდეგი კი ცოცვის სისწრაფის მიხედვითაც იღებდა, მაგრამ 1924 წელს, როდესაც 22 ერთნაირ შედეგიანი გამარჯვებული გამოვლინდა, შეფასების კრიტერიუმში ცოცბის სტილიც დაემატა. 1932 წელს კი საერთოდ ამოღებულ იქნა ოლიმპიური თამაშებიდან.

საჰაერო ბურთების შეჯიბრება

      ესეც, როგორც მოსალოდნელია, საკმაოდ პოპულარული სახეობა გახლდათ, თუმცა მხოლოდ ერთხელ -1900 წელს ჩატარდა.მსაჯები აფასებდნენ ფრენის სიმაღლეს, ხანგრძლივობას, სისწრაფეს და დაშვების სიზუტეს. თუმცა იგი აიკრძალა იმ მიზეზით, რომ მასში გამოიყენებოდა დამატებითი მექანიზმი. მართალია, ეს აკრძალვა უკვე მოხსნილია, მაგრამ საჰაერო ბურთების დაბრუნების საკითხი არ განიხილება.

სროლა ცოცხალი სამიზნით

      შეჯიბრი ამ სახეობაშიც მხოლოდ ერთხელ – იმავე 1900 წელს გაიმართა. წესები საკმაოდ მარტივი იყო – განსაზღვრულ დროში “სპორტსმენს” რაც შეიძლება მეტი მტრედი უნდა დაეხოცა. რასაკვირველია, ოლიმპიურმა კომიტეტმა ეს სახეობა ამოიღო და ეს იყო ერთდაერთი შემთხვევა, როდესაც ოლიმპიური თამშების დროს დაზარალდნენ ცხოველები.

წაიკითხეთ სხვებიც: უღირსნი ოლიმპიადისთვის