ქრისტეს შობამდე, IX საუკუნეში, ისრაელში არაერთი წინასწარმეტყველი გამოჩნდა, მათ შორის იყო ოსიაც, რომელიც წმინდა გარდამოცემის მიხედვით, ესაიას, მიქიას და ამოსის თანამედროვე იყო. იმ დროისთვის მრავალ მის თანატომელს ზურგი ექცია ჭეშმარიტი ღვთისთვის და კერპებს სცემდა თაყვანს. წმიდა წინასწარმეტყველი თავისი ბრძნული შეგონებებით კეთილმსახურებისკენ მოუწოდებდა გზაშეცდომილებს.

      ოსიამ იწინასწარმეტყველა ასურეთის ტყვეობაში ებრაელების გადასახლების შესახებაც. მაცხოვრის განკაცებამდე თითქმის ათასი წლით ადრე წმიდა ოსიამ სულიწმიდის მადლით განჭვრიტა, რომ შეწყდებოდა ძველი აღთქმის მსხვერპლშეწირვა და ჭეშმარიტი ღვთის შემეცნება მთელ სამყაროში გავრცელდებოდა (ოსია 2, 20). ოსემ იწინასწარმეტყველა მაცხოვრის ეგვიპტიდან დაბრუნება (ოსია 11, 1), მესამე დღეს მკვდრეთით აღდგომა (ოსია 6) და სიკვდილის დათრგუნვა (ოსია 13, 14). წმიდანის წინასწარმეტყველებანი ძველი აღთქმის წიგნებშია ჩართული. ნეტარი ოსიას საწინასწარმეტყველო მსახურება სამოც წელზე მეტ ხანს გრძელდებოდა. მან ღრმა მოხუცებულობაში შეჰვედრა სული უფალს.

      წაიკითხეთ ვრცლად, ოსია წინასწარმეტყველის შესახებ →

◄ გუშინ | დღეს | ხვალ ►