მგლები კრავის სამოსით მზაკვრულ ამბავს სჩადიან

ჭეშმარიტი კრავობა მათგან არვის სწადიან

კრავის თეთრი სამოსით ქვეყანაზე დადიან

მგლები კრავის სამოსით ღმერთის ხიდზე გადიან

მგელს თუ ესმის ამქვეყნად ჭეშმარიტი კრავობა

მგლობისა და კრავობის დიდი განასხვაობა

მგელს სწადია მგლობიდან მგლობის არსის რაობა

მგელი კრავში ჩაცმულა,მეფობს არარაობა

კრავი ცრემლით მოსილა,მის სულს ებრძვის მგელობა

დღემდე არ მოიშალა მგელმა ბნელი ხელობა

კრავმა თავის დამხსნელად ღმერთს მიმართა მშველობა

ღმერთმა მას გაუბოძა ბრძოლის უეჭველობა

ეს ვინ არის ვინ მოდის,ფარ–ხმალით ვინ აღმდგარა

თვის კრავობის გულისთვის შავ მგელად ვინ შემდგარა

კრავია თუ მგელია,ეს რა დღენი დამდგარა

ყველა ფიქრობს,–ვინ არის–დიდია თუ პატარა

ეს როგორი მგელია,სული უჩანს კეთილი

ეს ის მგელზე მგელია,მგლებზე გამოდევნილი

ეს ხომ კრავის ცრემლია,ციდან ჩამოცვენილი

ეს ის კრავი–მგელია ღმერთისგან მოვლენილი

ეს ისეთი კრავია,ვინც თეთრი და შავია

ეს ისეთი მგელია,ვინც შიგნიდან კრავია

ეს ისეთი კრავია,ვინც გარედან ავია

ეს ისეთი მგელია,ვინც სიწმინდის თავია

ეს ისეთი კრავია,გზაა მხოლოდ შობილი

ეს ისეთი მგელია,დროის წარმოშობილი

ეს ისეთი კრავია,ღვთისგან ნეტარ ხმობილი

ეს ისეთი მგელია,კრავის წინ დამხობილი

კრავ–მგელი შავ–თეთრ ცხენით მგლის ბანაკში შეიჭრა

მგლებმა–ელდა ნარევით–თქვეს,–ეს ვინ შემოიჭრა

ორლესულა მახვილით ბევრი თავი მოიჭრა

მგელ–კრავმა ღმერთის წინად,ქვეყნად თავი მოიჭრა

აღდგა დიდი ნათელი,კრავმა გული ახარა

შემოიხსნა მგლის ტყავი,ღვთის წინ თავი დახარა

კრავ–მგელი ღმერთმა ქვეყნად მხსნელად შემოატარა

ყველა მისად შერაცხა,ვინაც კრავს შეადარა...

                                              ავთანდილ ზერტელი...