თვალნი აქვთ და ვერ გხედავენ,ყურნი აქვთ და ვერ გისმენენ

ახლოს ხარ და ვერ გიცნობენ,შორს წახვალ და შეგისმენენ

სიმართლისთვის განგდევნიან.სიწმინდეს არ მოგითმენენ

შორს წახვალ და უშენობით–მეტსაც ვეღარ მოითმენენ

წყურვილი კლავთ წმინდა წყალის,სურთ ჭაობი ნაგუბარი

გული სტკივათ სულთან ერთად–ესმით ცრუთა საუბარი

სიმართლის გზა შორს განაგდეს,ირგეს კვდომის საჩუქარი

განადიდეს სიყალბე და დრო მოასპეს საქებარი

ასე არის ეს ცრუ ყოფა,არვის უნდა წმიდა სული

ყველა ფიქრობს–კარგი არის,მისი ზნე და მისი გული

სიმართლე კი ერთი არის–კაცთაგან მარად დაკარგული

ვინ,ვინ არის ყველამ იცის–ქვეყნად რაა დაფარული

არ გიცნობენ–გამაღლებენ,თავზე გვირგვინს მოგავლებენ

შეგიცნობენ–უმალ–მყისვე,თვის თვალს ცერად შეგავლებენ

სამსხვერფლოზე აგიყვანენ–შავ ხელს,ხელსი ჩაგავლებენ

სიმართლიდან–სიცრუემდე შენით დიდ ზგვარს გაავლებენ

მოგკლავენ, დაგიტირებენ,მით როგორც ღმერთი –უფალი

მარად დარჩები მათთაგან–წმინდანი თავისუფალი

საფლავთან მოგიგონებენ–შენ ,როგორც ღმერთი,უფალი

ვის რაში ნდა ამქვეყნად ასეთი ჭირისუფალი...

                             ავთანდილ ზერტელი...(გაგრძელება იქნება)