სადაც კაცი არ ფასობდეს,მისი სიტყვა ვერად ჭრიდეს

მისი საქმე ნეტარ ქმნილი,ბნელეთს გზას ვერ მოუჭრიდეს

სული მისცეს ამაღლებას–კაცს ცრუ სოფლის ხმის ამრიდეს

სულსა მისი ძირს რაც დასცემს–კაცი გულთგან აღმოფხვრიდეს

კაცი ქვეყნად თავს რით დადებს,ის ექნება ჟამსა მთქმელად

მომავალი ვის რას უქადს–აწმყო ამცნობს მისებრ მქნელად

ხელსა რა მადლს ცა მოავლენს,იმად იქნას გული მცდელად

რაა კაცი მისად მოკვდეს,ვით ძე ღვთისა ღვთიურ მხსნელად

კაცის ყოფა განისაზღვროს–რასაც შეწვდეს მისი ქმნილი

ქვეყნის მადლი იზომება,რა კვალს დატოვს მისი შვილი

რით მისდევდა კაცი ღვთის გზას,მადლი ის აქვს გამოწვდილი

ცა ქვეყანას თაყვანს მისცემს,კაცი მდაბლად გამოზრდილი

კაცი ღმერთის გზით იხსნება,ცრუ სოფლისგან აღსრულდება

სული მარადჟამს შექმნილი ცდუნებისგან აღსრულდება

ჟამი ღვთის სულს მინდობილი,ცის მადლით არ აღსრულდება

ღვთისებრი ყოფა რჩეულთა–ხსნაა,ცად გამომსვლელია

ჭირისთვის ლხინის დათმობა–ღმერთისა გზისა მსვლელია

საწუთროსაგან განმდგომი წმიდათა სული გრძელია

ჭეშმარიტებით ღმერთს უწყის, კაცი რის გარდამსვლელია

გზად მიდიოდა სიმართლე,ქვეყნისგან შორეთს წასული

გულს უდაღავდა ვაჟკაცსა–თვალთ ედგა მეფის ასული

ხმას არ იღებდა კაი ყმა–ბედისგან ღვთისგზას წასული

ღვთისთვის გაეცა რაც ჰქონდა–ხორცი მიწას სცა–ცას სული

სად ქრება სიამაყენი–დიდი დიადი ერისა

საიდან ისმის სიმღერა დაუმთავრები მღერისა

საით წასულა მოძღვრება–ღაღადი მგოსნის მზერისა

საიდან მოდის ვედრება,ლოცვანი წმინდა ბერისა...

                                    ავთანდილ ზერტელი...(გაგრძელება იქნება)