დრო უწინ ღვთისგან გაჩერდა დრომდე,

არ ღამდებოდა იბრძოდა ისუ!

მზე გაქადაგდა კაცთათვის დრომდე

და მთვარეც,¹ იდგნენ... მტერს კლავდა ისუ!

ისუ ღვთის ერს და რწმენას იცავდა,

უმზერდა ზე-გზით² უფალმწყალობელს

და ღვთისმშობლის ხაზს ღმერთი იცავდა,

რომ მერე ღმერთკაცს³ ეთქვა „აღსრულდა“!⁴

შენც გაიჩერე რწმენით მზე⁵ ღვთისგან!

მის სიტყვით მოჰკალ დროულად ვნება!

და მერე თუნდაც დაღამდეს⁶ ხორცი,

მკვდარი იქნება სულში⁷ ბილწგზნება!

შენც გაიჩერე რწმენით დრო ღვთისგან!

მარადისობა იგრძენ ღვთიური!

შეირგე ქრისტე, მიიღე მღვდლისგან

მადლიერებით პური⁸ ღვთიური!

შენც გაიჩერე შენს თავში მადლი!

არა დროებით, მარადიულად!

ნათლის მომცემის კაცთა აღმდგენი,

რომ იყო ღმერთთან, იყო ღვთიურად!

შენც გაიჩერე თავი ქრისტეში!

შენც წადი ზე-გზით ზედროულისკენ!

შენც ჯვარცმით იხსენ თავი ქრისტეში,

რომ თქმა „აღსრულდა“ შენშიც აღსრულდეს!

                                  04.08.13წ.

                               მამუკა თეთრაძე

¹ _{ღვთის წყალობა იქადაგა წმ. აბრაამის შთამომავალთათვის ღვთის მიერ გაჩერებულმა მზემ და მთვარემ.}

² _{ისუ 1,7.}

³ _{ღვთაებრივი და ადამიანური ბუნების ურთიერთშეურევნელად და განუყოფელად მქონეს, ერთ ღვთიურ პიროვნებას, პიროვნება მამისა და პიროვნება სულიწმინდის თანასწორს და თანამარადიულს, იესო ქრისტეს.}

⁴  იოან. 19,30.

⁵ _{რწმენით მიიღე ღვთის წყალობა.}

⁶ _{მოკვდეს, გაიხრწნას, მიწაში განეფინოს.}

⁷ _{ღვთის ნებით უკვდავ სულში.}

⁸ _{არსობის პური იესო ქრისტე.}