არ დავიცლები ვიცი რითმებით

წინ მივდივარ შენ კი ფეხს ითრევდი,

შენ აღარ ჩანხარ, მე ხელს გიქნევდი

უკვე ზემოთ ვარ, შენ მხოლოდ ფიქრებით.

მე თქვენი მონა არასდროს ვიქნები,

დამიძახეთ ამ ეპოქის დღის მგელი

მტანჯავს მომავლის მწარე სიზმრები,

ამის მოსმენასაც კი არ გირჩევდით.

ჩემთან პირისპირ ომი დაგღუპავთ

და სასხლეტს თითს თვითონვე გამოჰკრავთ,

თქვენ ჯერ შორს ხართ, მოიქეცით კაცურად,

ფრთხილად, ფეხი რომ არაფერს წამოკრათ.

მივიწევ წინ, მივქრი და არ ვჩერდები,

ამ ყალბ რეალობას არასდროს დავჯერდები,

ბრძოლიდან არ გავიქცევი, არც დავეცემი

სიკვდილს გვერდს არ ავუვლი და არც გავეცლები.

მარტივად ვერ გამისტუმრებთ საიქიოს,

მოგიწევთ, რომ ყველამ უკან დაიხიოთ

ჩემს თავში ამ ფიქრებმა რომ ვერ დაიტიოს,

დაგანახებთ ყველას ჭეშმარიტად იდიოტს.

ჩემი შეტევებისგან ვერ დაგიცავთ ფარი

და ვერ შემაშინებთ თქვენი ფუჭი მუქარით,

ამ რითმებით მომაქვს სიმართლის მარცვალი

მოვდივარ, დამხვდი ან მალე გამასწარი.