საფლავთან ან თუნდაც საკურთხეველთან,

ყველგან და ყოველთვის აფურთხებენ მათ,

ვინც ამხელს ქვეყნის ამაოხრებელს ან,

ამყარებს კავშირს მაყურებლებთან.

საკანი რკინის, ვარ გისოსებს მიღმა,

პირი ამიკრეს რომ ვერაფერი ვთქვა,

მადებენ ბორკილს, ამასაც ავიტან

დადგება დრო და დავიწყებ თავიდან.

იმდენი ითმინე რამდენი მე რაც დღეს,

არ მისმენენ და მოღალატედ შემრაცხეს,

ბრძოლის გარეშე მშიშარა შემარქვეს

მაგრამ ჩემს ღირსებას მევალეც ვერ მართმევს.

არ იცით ერთი, მე არა ვარ მხდალი,

არ მინდა დაგაფრთხოთ მთელი ამ ძალით

გაჩვენებთ თავს სუსტად, ვითომ ვარ მთვრალი

მე კი მიჭირავს უხილავი ხმალი.

არ გავჩუმდები თუნდ ყელი გამომჭრათ,

ენა ბოლო ხმაზე პროტესტს გამოთქვამს,

მოდით და გაბედეთ ენის ამოჭრაც

კბილები უცხადებს დაცვისთვის მზადყოფნას.

ჩემი ტკივილი ვიცი ესმის არავის,

ყველამ ერთად დავიწყეთ გათხრა სამარის,

რომ დავკრძალოთ, ვისაც ქვეყანა დავარქვით

ვისროლეთ ბრმა ტყვია და გულში გავარტყით.

შენ ხომ ისა ხარ სამშობლო რომ გიყვარდა,

ის ხარ სიმართლისთვის მათრახს რომ ირტყამდა

ელოდი ზღვა ქვიშას სანამ გამორიყავდა

არ იცოდი ეს გონებას თუ გამოფიტავდა.

ომი არ მორჩება ჩემი დამარცხებით,

ავავსებ ნიადაგს უსახო ცხედრებით

უფალო, გვიხსენი ამას გევედრებით,

აისხი აბჯარი, დადექი ჩემს გვერდით.

მხოლოდ იმას ამჩნევთ რაც ჩემში ნაკლია,

მტრები უკვე ქვეყანას ცხვირწინ გვაცლიან,

აფხაზეთთან ერთად კურორტი ანაკლია

შემხედვარე ამის სული არ წყვეტს ღრიალს.

გადაგვთელეს, სასტიკად გადაგვიარეს

ვინ მოგვიშუშებს ამ გახსნილ ნაიარევს,

ჩვენ ვშიშობთ რომ ქუჩაში არ დაგვიღამდეს

და არ ვდარდობთ სხვა ღამეს თეთრად რომ ათევს.

თქვენ მე დამცინით იძახით ჩემზე აუგს,

მე კი ვტირი რომ ასე დაეცა ერი,

მუხლმოდრეკილი, ღმერთო, ველი სასწაულს

რის გამოც ვერც დღეს, ვერც ხვალ დაგვიპყრობს მტერი.

სიცოცხლეს გავწირავ თუნდ იყოს საჭირო

ვიბრძოლებ სისხლის უკანასკნელ წვეთამდე,

ვერ დამაბრმავებთ სულ იქ რომ გამწიროთ,

არ დავეცემი მე არაფრით თქვენამდე.

თქვენ ალბათ მე სხვა ერის კაცში გეშლებით

ვინც უარყო თავისი სისხლი, ფესვები,

თქვენ ალბათ ჩვენ სხვა ქვეყანაში გეშლებით,

ვინც არ დაუხვდა მტერს ბრძოლაში ეშვებით.

დღეს ჩემი ქალაქი გახდა შემზარავი,

სადაც თავისუფლად აკრძალეს კანაფი

გვაფურთხენ ტარდება გეი-პარადი

სარგებლობენ შეუხებლობის გარანტით,

მაგრამ სანამ წინ ფურცელი მაქვს და ხელში კალამი

ბრძოლა მოიგეთ, ომი დამთავრებული ჯერ არ არის.