ცეცხლს შეუძლია დააშროს წყალი,
ღრუბელს აწვიმოს დედამიწაზე,
ღმერთს ყველაფერი ძალუძს კეთილად
და სიყვარული მოგვცა მიწაზე.

უარი არ კლავს სიყვარულს გულში,
არც სიყვარული ცოცხლობს ნებითა,
სიყვარულია ღმერთისგან გულში,
ის ცოცხლობს მხოლოდ უფლის ნებითა.

„ახალგაზრდა ხეს“ მოსწყდა „ფოთოლი“
და ვერასოდეს დაუბრუნდება.
ეს ჩემი გული ცალმხრივ სიყვარულს
გამოიგლოვებს, დაუდუმდება.

ღმერთს მინდობილი მშვიდია გული,
აცოცხლებს მხოლოდ მას სიყვარული,
და არ სჭირდება უიმედობა,
სჭირდება მარად სულ სიხარული.

სიყვარულია როგორი იცი?
არ შეუძლიათ თქვან მასზე ძვირი;
რადგან წმინდაა და უბოროტო,
და უსასრულო, არააქვს ძირი.

სიყვარულია როგორი იცი?
მას ძალადობა არ შეუძლია;
თავს დაგანებებს, მაგრამ უყვარხარ;
მას მოთმინება სულ შეუძლია.

სიყვარულია როგორი იცი?
არ შეგაწუხებს დაგატკბობს მხოლოდ.
მე შეგაწუხე, ვერ მივხვდი იცი?
ალბათ ის არ ხარ, გაწუხებ მხოლოდ.

და ვიტყვი ბოლოს:
კაცურ ღირსებას გაურბის ლტოლვა
და შენი ნებით მე ვთქვი უარი,
შენზე უარი!... და ის „მზე“ მოვა
ღმერთის ნებით ის ქვეყნად თუ არის.

12.03.12წ.

მამუკა თეთრაძე